Dashi
Mundohuni të jeni sa më realistë këtë javë, ju të dashuruarit sepse po kërkuat gjëra të pamundura do zhgënjeheni dhe do lëndoni veten. Nuk duhet as t’ia hidhni fajin, atij që keni në krah sepse do jetë gabim. Beqarët do të jenë shumë të logjikshëm dhe nga ana tjetër shumë të zotët, për ta bërë për vete atë që pëlqejnë. Nga e mërkura do fillojë një tjetër etapë në jetën e tyre. Buxheti nuk ka për të qenë në gjendjen më të mirë, të mundshme kështu që e mira është të mos nxitoheni me investimet. Rezistenca fizike dhe ajo morale nuk do të jetë shumë e mirë, kështu që kujdesuni më tepër për veten. Në punë do ju dalin përpara vështirësi të njëpasnjëshme që mund të kalohen vetëm me durim e këmbëngulje.
Demi
Gjatë ditëve në vazhdim, Venusi do të ndikojë fort në shenjën e Demit. Si pasojë e kësaj, në fillim të javës do të mbani një qëndrim serioz ndaj punës dhe detyrave, që është një mënyrë e shkëlqyer për të përballuar ngarkesën, kurse në fundjavë sjellja juaj do të bëhet më e shkujdesur. Mbase shkak për këtë ndryshim do të bëhet një rënie e lehtë e energjive, që do t’ju detyrojë të ulni ritmet. Të shtunën do të përballeni me njerëz që kërkojnë vëmendjen e të tjerëve.
Binjakët
Nëse merrni vendime të nxituara, do të vuani shpirtërisht. Janë të shumtë planetët që ju sfidojnë ta merrni të tashmen me qetësi. Do t’ju duhet të bëni çmos që të mos i ulni ritmet si pasojë e pasigurive dhe frikërave. Për këtë arsye mund ta keni të vështirë, që ta kaloni kohën me argëtime. Mundohuni që të mërkurën të mos bëheni pjesë e vendimeve familjare, sepse prania e Neptunit në shenjën tuaj nuk ju lejon të jeni të kthjellët për të bërë zgjedhjet më të mira. Kurse të premten do të jeni mjaft energjikë dhe do të ndjeni se jeni në lartësinë e detyrës.
Gaforrja
Falë Venusit do të përjetoni emocione të shumta gjatë kësaj jave, kurse Marsi dhe Mërkuri do të ndikojnë, që të ndiheni më shumë energjikë. Planeti i kuq në fakt do të ndikojë që t’jua lehtësojë bashkëpunimin me personat e afërt dhe do t’ju nxitë që t’i bëni gjërat me pasion. Për sa i përket aspektit të ndjenjave veprimet do të jenë më të rëndësishme se fjalët. Megjithatë, dikush mund të mos shfaqë shumë interes dhe entuziazëm.
Luani
Java do të fillojë e mbushur me optimizëm për të lindurit e shenjës së Luanit, por të mërkurën Venusi, planeti që ju ndihmonte të ishit më energjikë, do të largohet nga kjo shenjë. S’do t’ju mungojnë megjithatë idetë dhe iniciativat që të provoni të ndryshoni diçka që nuk ju pëlqen, ose thënë më thjesht që nuk ju leverdis. Të premten, falë kalimit të Diellit në shenjën e Luanit do t’ju duhet të jeni më të ndjeshëm ndaj nevojave të të tjerëve. Mos e teproni me kërkesat, për të mos e ndërlikuar gjithçka.
Virgjëresha
Nga njëra anë është dielli që ndikon në shenjën tuaj, duke ju bërë të ndiheni më të guximshëm se zakonisht. Kurse nga ana tjetër është Saturni, një forcë konservatore që do t’ju bindë për të kundërtën, që domethënë do t’ju bindë të mos shkëlqeni vërtet ose të mos ndiheni në lartësinë e duhur për të kryer një detyrë. Do të jenë të shumta mundësitë për të bashkëpunuar, me të tjerët ditën e premte. Kurse në fundjavë, falë ndikimit të Marsit, do të ndiheni shumë pasionantë.
Peshorja
Disa momente janë vërtet vendimtare në jetë. Pikërisht atëherë duhet të mos e prishni qetësinë, në mënyrë që të përgatiteni për ngjarjet që do të ndryshojnë të ardhmen tuaj. Me kalimin e Venusit në shenjën tuaj aty nga mesi i javës, ju do të jeni mjaft të vendosur që të vazhdoni me planet tuaja, por pa rënë shumë në sy. Të premten, me kalimin e Diellit në këtë shenjë, do të fillojë sezoni i ditëlindjeve dhe ju do të ndiheni më energjikë. Këshillohet që të dielën ndihmoni ata që kanë diçka të paqartë.
Akrepi
Gjatë ditëve në vazhdim, Venusi do të ndikojë pozitivisht në aspektin e ndjenjave për këtë shenjë. Kësisoj, do të keni përjetime të bukura dhe situata do të jetë e favorshme për ju. Jini më kërkues të mërkurën për gjërat që mendoni se i meritoni dhe mëshojini faktit që t’ju vlerësojnë, për atë që jepni dhe përfaqësoni. Mbështeteni një mikun tuaj për një projekt apo ndryshim, sepse do të ketë fat. Gjatë fundjavës do të ndiheni mjaft energjikë, por të dielën duhet të bëni kujdes prej iluzioneve që krijohen si pasojë e ndikimit të Neptunit. Merruni me gjëra konkrete.
Shigjetari
Ky sezon është i ngarkuar për ju dhe kjo është kthyer në traditë tashmë. Janë të shumtë planetët, që ndikojnë në shenjën tuaj, duke jua vështirësuar të tashmen, por jo duke jua bërë të pamundur. Gjatë ditëve në vazhdim do t’ju duhet të angazhoheni shumë në aspektin profesional, sepse edhe kërkesa e llogarisë do të jetë më e lartë. Aty nga mesi i javës do të jetë e nevojshme të sforcoheni pak më shumë për të treguar se dini t’i jepni zgjidhje diçkaje që nuk funksionon më. Të premten do të ndiheni më energjikë dhe do ta përballoni mirë fundjavën.
Bricjapi
Gjatë kësaj jave do të jeni të favorizuarit e planetëve. Ndikimi pozitiv i tyre do të vijë duke u rritur nga java në javë. Kësisoj, situata për ju do të përmirësohet dhe gjërat do të bëhen më të lehta. Këtë herë do të jetë Venusi ai që do të ndikojë pozitivisht në shenjën tuaj dhe në aspektin e ndjenjave. Duke filluar nga dita e premte, Dielli do të kalojë në shenjën tuaj dhe ju do t’ju duhet të angazhoheni më shumë në punët praktike. Të dielën hiqni dorë nga çdo formë agresiviteti.
Ujori
Gjatë kësaj jave planetët do të ndikojnë pozitivisht në shenjën tuaj. Të mërkurën, Venusi, që me largimin e tij kishte shkaktuar kontraste dhe probleme, do të kalojë në këtë shenjë duke bërë që situata të përmirësohet. Por ky nuk është lajmi i mirë i vetëm për ju, sepse menjëherë më pas Dielli do të ndikojë pozitivisht, duke bërë që raporti me personin e zemrës të përmirësohet ndjeshëm. Përpiquni që të dielën ta shfrytëzoni për të pushuar dhe qëndroni larg dikujt që do të bëjë të pamundurën për t’ju angazhuar në diçka.
Peshqit
Ka ardhur momenti që të përvishni mëngët dhe t’i futeni punës, sepse gjatë kësaj jave do të jenë të shumë planetët, që do t’i keni kundër (më saktë pesë) gjatë ditëve të para të javës. Do të ndodheni përballë personave e situatave jo shumë të qarta dhe do t’ju takojë pikërisht ju, që nuk shquheni për saktësi e logjikë, që t’u jepni zgjidhje. Situata do të përmirësohet të premten, kur edhe ju do të ndiheni më energjikë. Përpiquni që të dielën t’i shmangni me çdo kusht mosmarrëveshjet.
