Reperi shqiptar, Noizy, duket se po zgjeron grupin e tij çdo ditë e më shumë duke mirëpritur emra të rinj.
Në një postim të fundit në Instagram, ai ka paralajmëruar se modelja e njohur Oriola Marashi është bërë pjesë e OTR.
Ajo u bë e njohur dhe tërhoqi vëmendjen e publikut së fundmi me klipin “Mama” të këngëtarit britanik, Jonas Blue.
Oriola ka pozuar me bluzën e linjës së veshjeve që mbajnë ermin e Noizy-t. Ajo ka studiuar disa vite për kanto dhe nuk ka ngurruar të njoftojë ndjekësit e saj se po i realizon ëndrrat.
“E ardhmja është përpara. Botë bëhu gati”, shkruan reperi në një fotografi ku shfaqet krah modeles.
Noizy edhe më parë tentoi një “shpërthim” në arenën ndërkombëtare me këngëtarët e grupit të tij.
Por, mbetet të shihet si do t’ia dalë reperi me anëtaren më të re.
