Ndërkohë që jemi ende në atmosferën e dasmave të tre çifteve të njohura të showbiz-it, Bes Kallaku ka menduar t’u japë fund krahasimeve mes tyre, duke publikuar një foto të veçantë.
Foton e Marinës dhe Getit duke u puthur në buzë, Besi e ka modifikuar dhe ka vendosur veten në vend të nuses, për t’u mbyllur gojën të gjithë atyre njerëzve që krahasojnë çiftet dhe dasmat.
Ky në një farë mënyre ishte edhe një urim për jetë të lumtur e për trashëgime, që Besi nuk mund t’a dërgonte pa bërë një nga “ato të vetat”.
“Edhe i thashë ta hiqte pak mjekrën por nuk më dëgjoi”, shkruan Besi duke publikuar foton.
Por ai nuk e lë me kaq, pasi në një koment të tijin më poshtë, shkruan se rrugës “presim të na bashkohet edhe @turjanhyska”. Ky i fundit, meqë i doli emri, nuk mund të rrinte pa komentuar. Duke e përjashtuar veten indirekt, Turi tha se “më bukur prishet @bes_kallaku.”
