Një studim i publikuar nga “The Independent” tregon se martesa ka disa efekte pozitive në personalitetin e secilit. Studim i bërë në Universitetin Tilburg në Holandë, tregon se martesa ndihmon të përmirësimin e vetë-kontrollit, zhvillon ndjesinë e faljes e të bën njeri më të mirë e më të ndjeshëm.
Për të vërtetuar akoma më shumë këtë, studiuesit morën në pyetje njerëz të martuar dhe secili kishte diçka pozitive për të thënë.
“Kur unë bëj një gabim, ajo më fal mua. Kështu edhe unë e fal atë kur bën gabime. Kam qenë një person shumë i ftohtë dhe e kisha të vështirë të falja, por gjatë viteve të martesës e ndjej se jam bërë shumë njeri i mirë, i ndjeshëm, me përgjegjësi e i dashur”.
Ndërsa dikush tjetër tha:
“Kur nuk isha i martuar, isha shumë i lëvizshëm, shkaktoja vetëm probleme dhe prindërit i mbaja nën ankth, pasi policia mund të trokiste çdo moment në shtëpi. Por sot jam martuar, kam një vajzë që e dua shumë dhe ndihem më mirë, më i plotësuar e më i dashur”.
Pra nëse keni qenë në dyshim deri më sot, tani nuk do të keni më! Martesa do t’ju bëjë një njeri më të mirë.
