Kate Middleton është një prej ikonave të elegancës dhe frymëzimi i saj ka qenë ikona e modës Princeshë Diana. Në homazhet për 20-vjetorin e vdekjes së saj, Kate zgjodhi të vishte një fustan gati identik me të.
20 vjet pas vdekjes tragjike, Kate Middleton, Princi William dhe Princi Harry vizituan memorialin e Princeshës Diana në Londër, më 30 gusht.
Kate veshi një fustan me lule nga Prada, me mëngë të gjata dhe me gjatësi poshtë gjurit. Fustani ishte qartësisht një model i ngjashëm me atë të Diana-s që veshi në vitin 1981, për martesën e Princit Charles në Katedralen St. Paul. Mëngët, jaka dhe gjatësia janë pothuajse identike, vetëm te nuancat e ngjyrave mund të gjeni pak dallim. Është një mënyrë perfekte për të nderuar Princeshën.
Të dyja zonjat zgjodhën këpucë nude, Diana në atë kohë veshi këpucë të sheshta, ndërsa Kate zgjodhi takat nude.
Kate ka gjetur prej vitesh frymëzim te stili ikonë i Dianës.
Një rast i ngjashëm ishte edhe kur ajo veshi një fustan me pika pas lindjes së fëmijës së saj të parë, fiks siç bëri Diana kur erdhi në jetë Princi William.
Kate ka mbajtur edhe medaljonin e preferuar të Diana-s në evente të rëndësishme. Natyrisht, edhe unazën e fejesës së saj me diamant safiri.
