Si të rikthehesh me ish-të dashurin? S’është e pamundur

Rikthimet nuk janë gjithmonë një ide e mirë! Në disa raste nuk duhet ta shikoni kurrë si mundësi, ndërsa në disa raste të tjera nuk do të jetë e lehtë ta realizoni.

Por nëse futeni në kategorinë që doni të riktheheni sërish me ish-in tuaj mund të themi që nuk është  “mision i pamundur”. Kryesorja është që nuk duhet të jeni të bezdisshme dhe shumë të pranishme.

Asnjëherë mos u bëj shumë e bezdisshme

T’i telefononi ose të kërkoni takime për t’u shpjeguar apo sqaruar, kjo gjë absolutisht nuk rekomandohet. Do ta largoni edhe më shumë.

Përpiquni ta shihni mes miqsh

Mënyra më e mirë për ta takuar janë mbrëmjet ose kafetë me miqtë e përbashkët. Sepse ngjajnë tepër rastësore. Ku herë pas here mund t’i hidhni ndonjë shikim, ku t’i tregoni se ende vlen për ty.

Bëje xheloz

Kjo është strategji pak e rrezikshme. Nëse për shembull, arsyeja se përse u ndatë ishte pikërisht xhelozia e tepruar e njërit prej të dyve, kjo metodë definitivisht është më mirë të shmanget.

Të kalojë pak kohë, më pas kërkoji për ta takuar

Në qoftë se kanë kaluar disa javë që kur u ndatë, mund t’i bëni një ftesë për t’u takuar përsëri. Një darkë jashtë, ose një shëtitje e thjeshtë mund të jetë një kohë e mirë për t’u rilidhur.

E fundit, por jo më pak e rëndësishme

Nëse ndarja është shkaktuar nga probleme që ju pengojnë të zhvilloheni si një çift, atëherë është koha për një hap të guximshëm dhe për një demonstrim të madh të dashurisë. Si për shembull një propozim për bashkëjetesë apo edhe martesë.

Gjëja më e rëndësishme, sigurisht, është që të jeni me të vërtetë të bindur. Në të kundërt mos bëni asnjë hap pas, vetëm para!

Burimi: DireDonna