14-20 gusht 2017
Festivali Ndërkombëtar i Filmit të Animuar Anibar
Edicioni 8
Filma të animuar, punëtori, prezantime, masterklasa, takime me regjisorët, debate, ndeja, piknik në natyrë, ushqim dhe pije, e shumë aktivitete të tjera, të gjitha këto vijnë në javën më të preferuar në Pejë, 14-20 Gusht në edicionin e tetë të Festivalit Ndërkombëtar të Animacionit Anibar. Filmat dhe aktivitetet për krejt entuziastët e animacionit do të ndodhin në kinematë e hapësirat më interesante dhe të dashura për ju, brenda dhe jashtë në natyrë. Pas ditës me plot animacion, ju presim në ndejat e Anibarit, mes atmosferës së jashtëzakonshme të Parkut të Qytetit.
Këtë vit po bashkohemi të gjithë për ta Rikthyer Qytetin, si motiv kryesor dhe një mision premtues i Anibarit. Rikthimi i qytetit do të luftojë për vlera demokratike në hapësirat publike. Rikthimi i hapësirave publike do të sjellë një atmosferë të mbushur me njerëz e aktivitete që përfaqësojnë një kulturë apolitike, një qëndrim të hapur ndaj mediumeve të reja. Çasja jonë për rikthim është një sinjal mbi kreativitetin e qytetit, duke ftuar qytetarët, madje edhe vizitorët që të na ndihmojnë në zhvillim, dhe që të kemi intimitetit me hapësirat publike jo vetëm gjatë festivaleve. Tema jonë këtë vit është një nismë të cilën shpresojmë ta themelojmë dhe ta sfidojmë, jo vetëm këtë edicion të festivalit, por edhe gjatë viteve të ardhshme.
Mos mungoni as ju për tu na bashkangjitur në këtë edicion. Ju presim në Pejë me 14-20 Gusht!
6 korrik – 20 gusht 2017, Galeria Kalo
“The legend is back home”/ Ekspozitë
Galeria Kalo ju fton në ekspozitën më të re “The legend is back home” kushtuar dhe frymëzuar nga legjenda e Kështjellës së Shkodrës, “Rozafës”, e cila gjithmonë i ka bërë njerëzit kureshtarë rreth historisë së saj.
21 prill – 23 shtator 2017
“Rroftë”/ Ekspozitë
Muzeu Marubi vazhdon të presë vizitorët për ekspozitën “Rroftë”, kuruar nga Blerta Hoçia, e cila kërkon të nxjerrë në pah një përbërës kaq të rëndësishëm në zhvillimin e historisë së çdo shoqërie, por ndoshta gjithmonë të lënë në hije: masat, turmat.
Muzeu Kombëtar i Fotografisë, “Marubi”, Shkodër.
