Ndarja e Sajmir Çilit dhe Suela Kalajës padyshim ishte një ngjarje që bëri bujë në media pasi të dy ishin personazhe të njohur të skenës shqiptare. Por për këngëtaren shqiptare ka nisur një etape e re.
Ajo ka hedhur pas krahëve historinë me ish-bashkëshortin dhe ka nisur një rrugëtim të bukur dashurie. Biznesmeni Arijon Abdyli duket se i ka rrëmbyer zemrën Suelës. Ai zotëron një rrjet biznesesh jo vetëm në Shqipëri, por dhe në shtetin fqinj, Itali.
Ata kanë kurorëzuar dashurinë e tyre dhe pritet që Suela me të bijën të zhvendosen drejt Italisë në muajt në vijim, ku i është ofruar një vend pune në profesionin e psikologes.
Nga fotot e publikuara në rrjetet sociale dalluam që çifti ka nisur pushimet.
Saimir dhe Suela u vendosën në qendër të vëmendjes për shkak të denoncimeve të shumta ndaj njëri-tjetrit për dhunë fizike e psikologjike. Por tashmë gjithçka i përket të kaluarës, pasi Suela ka nisur një jetë të re.
