Aktori i “Mission Impossible”, Tom Cruise, është lënduar gjatë xhirimeve të filmit në Londër.
E gjitha ka ndodhur në momentin kur aktori është përpjekur që të kërcejë nga një ndërtesë në një tjetër.
55-vjeçari i bën vet të gjitha skenat e rrezikshme në filma dhe me raste ndodh që pëson lëndime.
Në momentin kur ka dashur të kërcejë në ndërtesën tjetër, Cruise ka dështuar duke u përplasur me murin e ndërtesës.
Ndërsa pasi është ngjitur, vërehet aktori duke çaluar me njërën këmbë.
Edhe në vazhdimin “Mission Impossible”, gjashtë, Tom Cruise luan rolin e Ethan Hunt, ndërsa krahas tij në këtë film luajnë edhe Henry Cavill, Simon Pegg, Jeremy Renner e Vanessa Kirby.
