Rihanna është takuar me presidentin e Francës, Macron gjatë ditës së djeshme dhe bashkëshorten e tij për të folur mbi edukimin global.
Pas takimit të tyre në Paris, Macron u shpreh në Twitter se sfida e radhës do të jetë ndihma për 264 milionë fëmijë të mbetur pa shkollë.
Gjithashtu ai ka përmendur se mbështet platformën e punëve sociale të organizatës që Rihanna ka themeluar me emrin ‘Clara Lionel’.
Këngëtarja është shprehur se ky takim bashkëpunimi duhej realizuar me patjetër, në dobi të edukimit global. Ajo ka shtuar se në shtator priten ndryshime të mëdha në këtë aspekt.
Takimi ka vijuar edhe me Zonjën e Parë të Francës, për të cilën Rihanna ka shprehur afeksion.
