Ne e dëgjojmë zërin tonë ndryshe nga mënyra sesi tingëllon tek të tjerët, zbulon University College në Londër. Kur dëgjoni njerëz të tjerë duke folur, valët e zërit udhëtojnë përmes tamburave të veshëve. Më pas truri i kthen vibrimet në tinguj. Kur jeni duke folur, kordonat e zërit lëkunden gjithashtu, truri merr dy burime të tingullit: valët e zërit që udhëtojnë në vesh dhe vibrimet vokale.
Të tjerët dëgjojnë vetëm burimin e jashtëm të zërit, ndërsa brenda vetes ju dëgjoni dy burime, të jashtëm e të brendshëm. Për këtë arsye kur flisni dhe mbyllni veshët dëgjohen dy zëra dhe theksohen akoma më shumë.
Ndërsa kur dëgjoni një incizim dëgjoni vetëm pjesët e jashtme, në vend të kombinimit të dy tingujve me të cilën jeni mësuar.
Martin Birchall, profesor i laringologjisë, tha për Time: “Zhurma ecën nëpër sinuset tona, të gjitha hapësirat dhe pjesët e mesme të veshëve tanë, ndryshojnë mënyrën sesi dëgjojmë tingujt krahasuar me atë që njerëzit e tjerë dëgjojnë”.
Kjo do të thotë që ne nuk e dimë vërtet sesi ne në fakt e kemi zërin. “Kur dëgjojmë zërin tonë në regjistrim, shpesh ndihemi të çuditshëm dhe zhgënjyes”, thotë Birchall.
Pra, në thelb, zëri që dëgjoni në regjistrime është zëri “i vërtetë’. Nëse je gazetar dhe flet në radio, ndodh që ta detyrosh veten të dëgjosh përsëri në regjistrime dhe të mësohesh me zërin e vërtetë. Ose mund të marrësh trajnime zanore, nëse e urreni vërtetë.
Burimi: Independent
