1. Nuk kam kohë. Nëse keni kohë për të shikuar televizor, për të shkuar në kinema ose për aktivitete të ngjashme, atëherë keni kohë dhe për sport . Ushtrimet efektive mund të zgjasin edhe gjysmë ore. Gjithsesi shkruajeni në agjendën tuaj ditore.
2. Nuk kam para. Nëse mundeni të kaloni kohë në lokal me miqtë, në fakt mund t’ia lejoni vetes edhe trajnerin personal. Por as kjo nuk është e domosdoshme. Për ecje ose vrapim ju nevojiten atletet dhe tutat, ndërsa edhe biçikleta ndoshta gjendet diku në bodrum.
3. Jam shumë i lodhur. Arsyeja më e madhe që jeni të lodhur është që nuk jeni në formë. Kur të jeni përsëri në formë, do të keni më shumë energji dhe do të flini më mirë.
4. Jam në moshë . Mbani mend që kurrë nuk jeni të vjetër për të filluar. Në fakt, ngritja e peshave ose trajnimet me përforcime për duart dhe këmbët janë jashtëzakonisht të rëndësishme për më të moshuarit 60 vjet sepse aktiviteti fizik mund të parandalojë rëniet dhe lëndimet në vitet në vazhdim.
5. Urrej palestrat. Nëse është kështu ushtroni në vend të hapur ose improvizoni ndonjë palestër personale tuajën.
6. Nuk dëshiroj muskuj. Preteksti më i shpeshtë i femrave të cilat frikësohen nga muskulatura, transmeton Koha.net. Por e vërteta është që shumica e femrave nuk kanë as predispozita për të zhvilluar muskuj, pavarësisht sesa ushtrojnë sepse organizmi nuk prodhon sasinë e mjaftueshme të testosteronit.
7. Më dhemb shpina. Forcimi i muskujve të shpinës dhe muskujve të poshtëm të barkut në fakt është mënyra më e mirë për t’u parandaluar dhimbjen në pjesën e poshtme të shpinës.
8. Jam i shëndoshë. Para se të filloj të ushtroj duhet të vijë në formë, është një nga pretekste më qesharake. Nuk mund të dilni nga lëkura juaj. Prandaj filloni aty ku jeni. Regjistrohuni në palestër dhe filloni me trajnimin ngadalë dhe gradualisht do të vini në formë.
9. Nuk kam pajisjet e duhura. Është vështirë t’u rezistohet reklamave të ndryshme, por nuk është nevoja të keni pajisje të përkryera për të bërë stërvitje të mirë. Mjafton të vishni kostumin sportiv dhe atlete dhe nëse aktiviteti ju pëlqen ngadalë mund të filloni të investoni në pajisje. Pak nga pak.
10. Është e mërzitshme. Çelësi është në diversitet. Kombinoni aktivitetet me atë çka pëlqeni të bëni, siç është noti, vallëzimi, ecja, vrapimi, çiklizmi.
