Çdo vit, faqja e takimeve “Match” anketon amerikanët rreth 18 vjeç e lart për të shqyrtuar mendimet e tyre për lidhjet, seksin dhe dashurinë. Dhe surprizë! Shumë prej tyre janë krejtësisht të pavërteta, sipas analizës së 5.509 personave. Ja disa nga mitet e të rinjve rreth të 20-at, të cilat shpresojnë se do të pushojnë së ekzistuari:
1.U kemi dhënë fund takimeve.
Ndërkohë që mund të duket sikur njerëzit kanë përparuar duke preferuar seksin e rastësishëm në vend të takimeve, shumica e beqarëve ose janë duke kërkuar në mënyrë aktive një marrëdhënie (22%) ose të hapur për një të tillë nëse u paraqitet ndonjë mundësi (42%). Pothuajse gjysma e beqarëve (41%) ishin në një lidhje vitin e kaluar. Ne kemi 30% më shumë gjasa se gjeneratat e tjera që të duam një marrëdhënie këtë vit.
2.Ne po harxhojmë kohën tonë me aplikacione takimesh.
Shumë prej nesh kanë dëgjuar miqtë tanë (ose veten) të shqetësuar për mënyrën sesi takimet online nuk funksionojnë dhe takimet përmes miqve janë shumë më të lehta. Por realiteti është se përdoruesit e aplikacioneve të takimeve kishin 4 herë më shumë mundësi të lidheshin në vitin 2016. Në të vërtetë, aplikacionet e takimeve ishin një mjet më i zakonshëm për takimin mes njerëzve, me 40% të personave që takohen në mënyrë aktive përmes internetit, krahasuar nga njohjet mes miqve (vetëm 24 %).
3.Ne bëjmë shumë seks.
Krahasuar me gjeneratën e prindërve tanë, ne kemi 51% më shumë gjasa të jemi krejtësisht të painteresuar për seksin. 40% prej nesh beson se intimiteti emocional rrit seksin.
4.Takimet online janë vetëm për ata më të dëshpëruarit mes nesh.
Në ditët e sotme, takimet online janë absolutisht normale. Shumica e individëve (53%) kanë hapur një profil dhe pothuajse gjysma (40%) kanë realizuar një takim në internet. 57% e atyre që janë rreth të 20-ave kanë krijuar profile krahasuar me gjeneratat e tjera.
Burimi: Glamour
