Dashi
Një fokus i fortë në zonën tuaj të komunikimit ju ofron një shans për t’u lidhur me fqinjët dhe të tjerët në zonën tuaj. Kjo mundësi mund të jetë shumë e dobishme nëse ndihmoni që bashkësia juaj lokale të afrohet më pranë. Në të njëjtën kohë, mund të jetë e mençur të shmangësh shqetësimin e dikujt në autoritet. Ose pranoni të mos pajtoheni ose të gjeni një mënyrë për të bërë kompromis. Argumentimi me siguri nuk do t’ju ndihmojë. Hëna e Re më 25 maj mund të sjellë një shans për të marrë një ide të shkëlqyer.
Demi
Duke qenë se për momentin Mërkuri është planeti që do të ndikojë më shumë në shenjën tuaj gjatë kësaj jave, do të keni mundësinë të tregoheni të kuptueshëm dhe të analizoni gjithçka. Dihet që ju jeni disi të ngadaltë për t’i kuptuar gjërat, por tani asgjë nuk ju ngut. Të mërkurën, si pasojë e ndikimit të Plutonit, do të ndiheni dyshues dhe të shqetësuar dhe do të keni ndjesinë se diçka nuk është ashtu si duket. Të enjten është momenti i përshtatshëm për t’iu përkushtuar një çështjeje praktike, kurse të dielën do të ndiheni ëndërrimtarë.
Binjakët
Gjatë kësaj jave nuk do të ndiheni shumë në formë dhe për pasojë nuk do të përfshiheni në aktivitete të ndryshme. Hëna e re, që do të formohet pikërisht në shenjën tuaj, do t’ju ndihmojë të nisni një sezon të mbushur me angazhime dhe ndoshta të kuptoni nëse jeni të aftë t’u dilni gjërave për zot. Në fundjavë do të vendosni të bëni një pauzë të gjatë në mënyrë që të shijoni qetësinë që ju dhuron kjo stinë. Për momentin kjo është gjëja më me mend që mund të bëni.
Gaforrja
Ndodh që ndonjëherë si pasojë e frikës të vendosim të ndryshojmë diçka që nuk na vjen shumë për shtat. Do të jetë pikërisht nën ndikimin e Plutonit dhe të Hënës së re që do të vendosni të mos merreni me gjërat që nuk ju takojnë. Kjo do të jetë periudha e përshtatshme për t’u dhënë fund veseve dhe varësive të vogla dhe të mos merreni me gjërat që nuk kanë lidhje të drejtpërdrejtë me ju. Shijojeni pushimin në fundjavë, sepse e meritoni.
Luani
Tani që Dielli po ndikon në shenjën tuaj ju ndiheni më të lehtësuar dhe dukeni të vendosur të përvetësoni gjithçka që ju pëlqen, duke shfaqur kurajë e vendosmëri të veçantë. Të enjten do të përfitoni nga ndikimi pozitiv i yjeve do të bëheni protagonistë të momentit. Në fundjavë do të jeni disi të paqartë për gjërat që do të thoni dhe nuk do të mund të kontrolloni shpenzimet, por megjithatë jua mban xhepi.
Virgjëresha
Në ditët në vazhdim të lindurit nën shenjën e Virgjëreshës do të pranojnë sfidat e yjeve dhe do të provojnë të ndryshojnë diçka. Mos u druani nga mesi i javës që të bëni disa ndryshime në aspektin profesional, sepse do të jeni në gjendje të manovroni mirë çdo gjë. Pastaj, pas disa ditësh stresi të pashmangshëm, do të mund ta shijoni fundjavën nën ndikimin e Neptunit, i cili do t’ju kthejë dëshirën të mendoni për diçka të këndshme e çlodhëse.
Peshorja
Gjatë kësaj jave, dhe sidomos aty nga mesi i saj, do të ndiheni disi dyshues për sa u përket raporteve tuaja dhe gjërave që keni më për zemër. Zgjidhjen e gjeni tek yjet. Synoni të bëni diçka të rëndësishme në mënyrë që të bindeni se po bëni gjënë e duhur si dhe përkushtojuni pasioneve tuaja. Do të zbaviteni të shikoni në fundjavë se si një person i dashur për ju do të përballojë mjaft mirë e në mënyrë origjinale një çështje që ju shqetësonte.
Akrepi
Gjatë kësaj periudhe jeni veçanërisht të ndjeshëm për mënyrën sesi një person pranë jush po e trajton një çështje që ju përket të dyve. Duke u nisur nga dyshimet dhe dilemat e ndryshme të njerëzve pranë jush, do të bindeni të reagoni në mënyrë impulsive, ndoshta edhe për të ekuilibruar disi ndikimin e Plutonit. Kjo mund të jetë e gabuar ose jo, por në njëfarë mënyre do të kuptoni se zgjedhjet e tyre janë të duhurat. Përpiquni të tregoheni të matur, duke qenë të ndërgjegjshëm se zotëroni një energji të veçantë, por duke respektuar lirinë e të tjerëve. Në fundjavë do të mund të shpreheni lirshëm.
Shigjetari
Nën ndikimin e Venusit do t’ju duket se po përjetoni një javë argëtuese dhe planetët ju ftojnë që të shfaqni një energji të veçantë ndaj personave pranë jush. Kështu, do të shfrytëzoni ndikimin e Hënës së re për të bërë disa ndryshime në një raport që ka nevojë për përmirësim. Do të shfaqeni të vendosur e të guximshëm, sepse ky është momenti që të hidheni në veprim me çdo kusht. Në fundjavë do të përballeni me njerëz ëndërrimtarë.
Bricjapi
Gjatë ditëve të mesit të javës së re, do t’ju duhet të përballeni me realitetin dhe situatat që duhen parë më nga afër. Si pasojë e pozicionimit të Venusit dhe Plutonit, do t’ju duhet të shqyrtoni projektet e ndryshme për të kuptuar nëse keni zgjedhur drejtimin e duhur. Do të kujdeseni si për aspektin fizik edhe për atë mendor tuajin, duke vendosur të bëni diçka konkrete që ju bën të ndiheni mirë. Fundjava nën ndikimin e Mërkurit, premton të jetë argëtuese.
Ujori
Duket se gjatë kësaj periudhe yjet janë të përqendruara te gjërat e bukura dhe argëtuese. Do të jetë më mirë që gjatë kësaj jave të çlodheni dhe të mos shqetësoheni shumë për realitetin që ju rrethon. Duke filluar që nga dita e enjte do të mendoni për fundjavën, duke u marrë me organizimin e aktiviteteve të ndryshme. Kështu, do të mund të harroni dyshimet që keni për momentin. Mos ua vini shumë veshin të enjten fjalëve apo sjelljeve që rrezikojnë t’ju prishin humorin.
Peshqit
Pas disa ditëve heshtje, yjet dhe planetët do të fillojnë të reagojnë duke ju detyruar të angazhoheni më shumë në lidhjet dhe marrëdhëniet tuaja. Marsi dhe Hëna e re do të ndikojnë që të keni forcën e nevojshme për të ndryshuar diçka brenda vetes dhe që të ndiheni më të fortë e më të sigurt, në mënyrë që të ketë ekuilibër mes jush e të tjerëve. Do ta shijoni fundjavën në praninë e personave që keni më për zemër. Ëmbëlsia juaj do t’ju ndihmojë ta fitoni edhe këtë sfidë.
