Që kur lajmi se Princi Harry ishte në një lidhje me aktoren Meghan Markle u zbulua verën e kaluar, ne kemi numëruar ditët se kur mund të bëhet realitet një tjetër fejesë në familjen mbretërore.
Dhe duket se dëshira jonë më në fund po plotësohet!
Disa javë pasi Markle bëri paraqitjen e saj të parë publike me të dashurin e saj 32-vjeçar në sfidën Audi Polo, tani raportohet Princit i është dhënë leja për t’i kërkuar dorën të dashurës së tij kaliforniane.
Një burim ka zbuluar për mediat ndërkombëtare: “Mënyra sesi po shkon lidhja, fejesa ndoshta do të ndodhë këtë vit … Harry ka marrë miratimin nga Mbretëresha për t’i propozuar Meghan, ai tashmë ka biseduar me Madhërinë e Saj. Një fejesë është shumë e afërt”.
Duke patur parasysh marrëdhënien e ngushtë të Harry-t me Mbretëreshën, kuptojmë se leja e saj do të thotë shumë për Princin.
Lajmi vjen disa ditë pasi një zëdhënës i “Westminster Abbey” zbuloi se, Princ Harry është lejuar të martohet me të dashurën e divorcuar, në të njëjtën kishë ku vëllai i tij, Princi William, u martua me Kate Middleton dhe baba i tij, Princ Charles u martua me nënën e tij të ndjerë, Diana-n.
Çiftit i është dashur ta mbajnë lidhjen mes Torontos, ku aktorja 35-vjeçare po xhiron një serial dhe shtëpisë mbretërore në Londër. Meghan flitet se do të zhvendoset të jetojë në Kensington Palace këtë vit.
Burimi: Elle
