Është kthyer në një mani, kush merr më shumë “like” në “Instagram”. Por nëse është dikush që mund të na japë këshilla për këtë ajo quhet Kendall Jenner.
Modelja e njohur është personi i gjashtë më i ndjekur në rrjetin social dhe gjithashtu personi më i pëlqyer në çdo foto që shpërndan me fansat e saj.
Së fundmi, modelja 20 vjeçare ka dhënë disa këshilla për të tërhequr më shumë njerëz në rrjetin social, në një artikull të revistës “Vogue”.
Së pari, nuk duhet ta teproni, ose të planifikoni. Duhet të jetë diçka normale, mos u përpiqni të planifikoni se çfarë do hidhni në “Instagram”.
Së dyti, mos i lodhni ndjekësit tuaj me shumë postime. Nuk duhet të hidhni shumë foto nëse doni t’i lini në mister.
Së treti, qetësohuni dhe mos e vrisni mendjen se sa njerëz do të pëlqejnë fotot tuaja. Është thjesht një rrjet social, nuk është diçka reale, prandaj mos u stresoni për të.
Burimi: Vogue
