Jennifer Lopez guxoi të zhvishej të enjten në dy fustane të tejdukshme për eventin e “Billboard Latin Music”, në Florida.
Diva e muzikës zgjodhi dy fustane me dizajnë të ngjashme për shfaqjen e ndarjes së çmimeve. Dhe pavarësisht se është pranë të 50-tave, JLo duket se nuk është “plakur” as edhe një ditë, por është në formën e saj më të mirë.
Këngëtarja 47-vjeçare tregoi format e saj në një fustan të zi të gjatë nga Julien Macdonald, me një prerje në pjesën e bustit dhe në ijëve. Ndërsa e çara në mes të fustanit tregonte edhe këmbët e tonifikuara të këngëtares në “Watsco Center”.
Ajo e kompletoi veshjen e saj me sandale me super-takë, vathë të gjatë dhe flokët e mbledhur bishtalec.
Jennifer nuk është e panjohur për paraqitjet e saj të paharrueshme, ndërsa kujtojmë fustanin “Versace”, që veshi në Grammys të 2000-shit, me të cilin bëri histori në botën e modës.
Performanca e saj u shoqërua nga orkestra, ndërsa u duartrokit nga të ftuarit e famshëm. Ish-bashkëshorti i saj Marc Anthony u dallua duke brohoritur nga audienca.
Ajo mori në shtëpi dy çmimet, “Artisja e mediave sociale e vitit” dhe çmimin e “Yllit”.
JLo u emocionua gjatë fjalimit të saj, duke e cilësuar si një “natë speciale”: “Më emocionon shumë fakti që po ndaj këtë natë speciale me artistët që admiroj. Familjen time në muzikë dhe në jetë. Të kthehem pas në rrënjët e mia është një kënaqësia që shkon përtej fjalëve. Momente të tilla janë prova të punës së fortë dhe se jemi me fat nëse jeta na bekon në këtë mënyrë. Ju dua shumë. Ndihem me fat të jem pjesë e kësaj bote krijuese dhe të mund të përfaqësoj komunitetin latin. Ndihem si në shtëpi. Jam e përulur që jam këtu në prezencën tuaj dhe të pranoj këtë çmim”.
Burimi: Daily Mail
