Bashkëshortes së Dr. Florit iu bë një surprizë e veçantë teksa ishte duke dëgjuar emisionin e Julka Gramos në radion “NRG”.
Julka e nisi me një letër dedikuar pikërisht Blerinës, një letër që tregonte historinë e një nëne e cila humbi bashkëshortin e sot po rrit e vetme dy fëmijë.
Në fund ajo e mbylli letrën emocionuese me njoftimin se një biznes privat ka vendosur t’i dhurojë asaj 10 mijë euro.
Më pas u bë edhe një telefonatë gjatë së cilës bashkëshortja e artistit të ndjerë u përgjigj e prekur e dha shumë falenderime e bekime. Ajo ndodhej në makinë me pastorin Fitor Muça, mikun e Dr. Florit, Ermal Mamaqin dhe të bijën Kaltrina. Urime Blerinës dhe përgëzime organizatorëve të gjestit special.
