Nëse jeni duke u përpjekur të keni një bark të sheshtë këtë verë, stërvitja është padyshim gjëja e parë që duhet të bëni.
Është e dobishme të njihni ato ushqimet që mund të kenë një efekt të kundërt në progresin që po bëni nëpërmjet stërvitjes – dhe kjo është pikërisht ajo që do të mësoni sot.
Më poshtë keni listën e ushqimeve që duhet të shmangni nëse doni barkun që keni ëndërruar:
Djathi
Djathi është i dendur në kalori dhe në yndyrë të ngopur. Nëse po synoni të dobësoni pjesën e barkut, bëni ashtu siç bëjnë francezët dhe qëndroni larg djathit të përpunuar dhe atij të shkrirë.
Pijet e gazuara
Ato janë ëmbëlsuar me sheqer artificial dhe shurup misri me nivele të larta fruktoze. Sipas një studimi në Journal of Nutrition, konsumimi i sasive të mëdha të fruktozës shkakton rritjen e yndyrës në pjesën e barkut.
Mishi i përpunuar (sallami dhe salsiçet)
Mishi mund të jetë një pjesë e shëndetshme e dietës suaj. Ai e furnizon trupin me sasi të mëdha të proteinave për prodhimin e qelizave të reja të muskujve. Megjithatë, mishi i përpunuar ka yndyrë të lartë, veçanërisht proshuta.
Alkooli
Nuk duhet të qëndroni larg alkoolit tërësisht. Ekspertët rekomandojnë të pini një gotë të vogël verë të kuqe çdo natë me darkë. Ajo bën mrekulli për sistemin tuaj kardiovaskular ndërsa furnizon trupin tuaj me antioksidantë të fuqishëm.
Lëngjet e frutave
Ashtu si pijet me gaz, shumica e lëngjeve frutore të blera në dyqan janë të mbushura me aditivë, ëmbëltues dhe shurup misri me nivele të larta të fruktozës. E njëjta gjë vlen për “smoothies” të blera nga dyqani.
Buka
Karbohidratet e rafinuara si buka janë një ushqim tjetër që duhet të kufizohet në një dietë të shëndetshme. Përpiquni të zëvendësoni sanduiçin tuaj në mëngjes me diçka të shëndetshme – mendoni për proteina dhe fruta.
Ushqimet dietike
Megjithëse ushqime të caktuara, të paketuara si dietike mund të kenë sasi të ulëta të kalorive dhe yndyrnave, ato kanë sasi jashtëzakonisht të larta të natriumit dhe konservantëve. Mos u mashtroni nga ushqimet dietike me kalori të ulët – do të jeni të uritur përsëri për pak kohë.
Kripa
Kripa nuk do të kontribuojë në shtimin e yndyrës të pjesës së barkut, por mund të shkaktojë fryrje të barkut. Minimizoni sasinë e kripës që përdorni në gatimin tuaj duke zëvendësuar atë me erëza të freskëta, xhenxhefil, borzilok dhe shafranin e Indisë.
Burimi: Byrdie.co.uk
