Alessandra Ambrosio ka imazhin që çdo femër dëshiron. Të gjitha mund ta kemi pyetur veten sesi ka mundësi të jetë kaq perfekte 36-vjeçarja, ndaj engjëlli i “Victoria’s Secret” ka vendosur të tregohet bujare, duke i ndarë me ne të gjithë sekretet e bukurisë së saj.
Ushqimi
Alessandra e nis mëngjesin me një menu shumë të pasur dhe të shëndetshme. Mëngjesi i saj perfekt përmban avokado, lëng i shtrydhur me fruta të freskëta, një filxhan i madh me kafe si dhe një kokërr vezë e zier ose e skuqur me vaj kokosi. Menuja e drekës nuk përmban kurrë makarona. Ajo përdor shumë sallatat dhe supa të ndryshme, peshk dhe mish.
Ushqim i shpejtë
“Mbaj gjithmonë me vete ndonjë frut ose fara kia, për t’i dhënë trupit energji”
Mëkati i ëmbël
“Më pëlqen shumë keku”
Rutina e fytyrës
Rutina ditore e fytyrës së Alessandra është e thjeshtë por tejet efektive. “E pastroj fytyrën me eksfoliant dhe më pas përdor serum anti-moshë që ka përmbajtje të vitaminës C. Kremi BB me mbrojtje SPF, kundër rrezeve të diellit janë gjithashtu të mrekullueshme” , shprehet supermodelja.
Flokët
“Dy ose tre herë në javë, pasi t’i kem larë flokët me shampoo, përdor një maskë super rigjeneruese dhe e lë të veprojë për 10 minuta. Çdo dy muaj shkoj në qendër kozmetike dhe u bëj një flokëve një trajtim ushqyes”
Buzët
“Gjithmonë në çantën time ka hidratues buzësh. Më pëlqen shumë butësia dhe hidratimi që më bën ky produkt në buzët e mia. Mund të kem pesë lloje të tilla çdo ditë në çantë”.
Përpara një ngjarje të rëndësishme
“Para se të kem një takim të rëndësishëm, apo një ngjarje të madhe unë bëj gjithmonë joga. Në pamundësi për ta bërë këtë marr një moment për veten time dhe meditoj e vetme, se çfarë është me të vërtetë e rëndësishme në jetë”
Ushtrimet fizike
“Më pëlqen shumë të notoj, të luaj volejboll. Gjithashtu më pëlqen të ndjek klasa të Barre, pilates, dhe joga”
