Një modele duhet të ketë kujdes se si do duket, si duhet të shkojë në një kasting, si të sillet para kamerave, si të ecë në pasarelë, si të bëjë make up që të duket sa më natyrale, cili model flokësh i shkon dhe kështu me rradhë…
Ajo që të duhet për look-un si modele, që tregon se kush je, është make up-i minimal. Modelet më të mira në përgjithësi nuk vendosin make up çdo ditë, vetëm nëse janë duke punuar. Ti me siguri nuk dëshiron që të shpërqendrohen nga fytyra jote. Duhet të jesh gjithmonë e thjeshtë, e pastër, e bukur dhe nuk ke pse të përdorësh asgjë. Nëse dikush kërkon të të shohë ndryshe, punëson një make up artist.
Disa sekrete kur shkon për një audicion:
- Një ditë përpara se të kesh audicionin duhet të flesh herët, rrathët e syve nuk i pëlqejnë askujt. Gjumi i bukurisë nuk është legjendë.
- Garderoba e modeles është shumë e rëndësishme. Pasurojeni atë sipas stilit tuaj.
- Pavarësisht se potenciali i vërtetë gjithmonë identifikohet, një modele e veshur mirë, ka më tepër mundësi për të fituar rolin.
- Mos harro gjithmonë të jesh e thjeshtë. Fokusi duhet të jesh ti në kompleks, fytyra dhe imazhi që dëshiron të krijosh.
- Klienti interesohet për linjat e tua, kështuqë vish diçka që të përshtatet për t’u treguar që je e plotësuar. Nëse ke këmbë të bukura, zgjidh një fund të shkurtër.
- Takat janë esenciale sepse ato i japin këmbëve linja shumë tërheqëse. Mund t’i mbani në çantë dhe i mbathni në momentin që ju nevojiten.
- Bizhuteritë gjithashtu duhet të jenë të pakta në numër.
- Thonjtë duhet të jenë gjithmonë të pastër dhe pa ngjyrë të fortë.
Në bazë të audicioneve, do përshatet dhe pamja jote. Kjo sigurisht është edhe në bazë të klientit dhe kërkesave të tij.
Nëse audicioni është për veshje sportive, atëherë duhet të jesh me make up të lehtë dhe flokët kapur bisht. Mund të mbash veshje sa më “casual” si xhinse, t-shirt dhe taka të larta.
Për audicion kozmetike dhe bizhush, flokët mund t’i mbash me onde, të drejta ose me volum. Mundohu që make up-i të jetë sa më i pastër që lëkura jote të duket sa më e shëndetshme, pa e tepruar, pasi fotot bëhen nga afër. Kombinohu thjesht dhe me rroba elegante; një fustan të zi, pupa dhe manikyr natyral.
Nëse merr pjesë në një audicion për veshje mbrëmjesh, duhet të përdorësh pak më shumë make up te sytë që t’i evidentosh. Një fustan i hollë është perfekt për të demonstruar linjat e tua.
Për një editorial, të duhet të veshësh xhinset “skinny”. Kombinoji me një bluzë trendi.
Superushqyerja është një term që mjekët e përdorin për t’iu referuar atyre produkteve të pasura me vlera ushqimore. Mjeku Steven Pratt i pagëzoi me emrin “heronj” kur publikoi librin e tij “Super food”, që tashmë është kthyer në një nga librat më të domosdoshëm në Amerikë. Këtu do të flasim për dhjetë më të mirët:
1.Agrumet
Agrumet janë aleati i çmuar i trupit dhe i mbajtjes së linjave. Jo vetëm për praninë e vitaminave, antioksidantëve (sidomos vit .C) dhe vajrave esencialë, por edhe sepse kanë veti pastruese e antiinflamatore falë veprimit të polifenoleve: një prej këtyre, espiridina, tonifikon enët e gjakut duke ulur përshkueshmërinë e tyre dhe duke parandaluar formimin e celulitit.
2. Salmoni
Dhe kur themi salmon, themi gjithashtu sardenjë dhe troftë. Janë të pasura në acide yndyrore Omega-3. Përfitimet? KJo përmbajtje yndyrore eviton problemet e zemrës dhe forcon sistemin imunitar.
3.Frutat ne ngjyre te kuqe
Kanë përmbajtje të lartë të vitaminës C. Ndihmojnë në tonifikimin e muskulit të zemrës, përmisojnë rezistencën e kapilarëve dhe qarkullimin e gjakut. Janë mbrojtëse të mira të mëlçisë dhe stomakut
4.Vaji i ullirit
Acidet yndyrore reduktojnë nivelin e kolesterolit. Vaji i ullirit është mbrojtësi më i mirë nga sëmundjet e zemrës dhe kancerit. Ka përdorim të gjerë për rigjenerimin e lëkurës dhe flokëve.
5. Lakrat
Janë të pasura me vitaminë A dhe K, folate, potas dhe fitokimikale që luftojnë kancerin, sidomos atë të mushkrive.
6. Arrat
Magnes, fibra, lëndë yndyrore, kalium, kalcium etj. Janë perfekte për pastrimin e gjakut dhe lëkurës. Arrat përdoren gjithashtu kundër infeksioneve dhe rënies së flokëve.
7. Domatet
Domatet nuk ju ndihmojnë të lini duhanin, por ju ndihmojnë të reduktoni dëmet e shkaktuara nga pirja e duhanit. Vitamina A në domate, mban flokët tuaj të shkëlqyeshëm dhe të fortë. Gjithashtu, është fantasike për sytë tuaj.
8.Cokollata
Por e zezë dhe në sasi të vogla. Çokollata rrit nivelin e inteligjencës, zvogëlon stresin dhe mbron zemrën. Çokollata e zezë ka nivelin më të lartë të kakaos dhe përmban një mori komponentësh si fenileflamina, e cila quhet ndryshe “dashuria kimike”. Kjo bën që të rritet motivimi dhe kënaqësia.
9.Qepa
Qepa ndikon në rritjen e rezistencës së trupit. Ul dhe normalizon tensionin e gjakut, forcon zemrën, hap oreksin dhe lëngu i saj ngordh bakteriet që ndodhen në trup.
Qepa është e dobishme edhe ndaj anemisë. Ajo gjithashtu ngordh parazitët, që ndodhen në zorrë dhe ndihmon jashtëqitjen. Nxjerr jashtë trupit substancat e dëmshme, pakëson lodhjen e trurit, normalizon të rrahurat e zemrës. Ul sasinë e sheqerit në gjak.
10.Bishtajoret
Perimet, por sidomos familja e bishtajoreve e përbërë nga fasulja, bizelet, thjerrëzat, kikirikët, bathët dhe soja, mund të konsiderohen pa frikë si miqtë më të mirë të zemrës. Të pajisura me virtyte ushqyese, ushqime me nivel të ulët yndyror, por të pasura me proteina, karbohidrate dhe fibra, duke dhënë një ndjenjë të këndshme dhe të shëndetshme të të ngopurit.
*Publikuar në revistën “ICON”
