Të gjithë mezi presim të arratisemi me pushime. Diell, aventura, vende të reja për të eksploruar – çfarë mund të shkojë më mirë se kaq? Por pavarësisht të gjithë qejfit që mund të kalojmë buzë detit, zemra mendon për gjërat që kemi braktisur në shtëpi. Më poshtë ju rendisim 8 gjërat që na mungojnë më së shumti kur jemi me pushime! Hidhi një sy, mund t’ju mungojnë edhe juve gjithashtu.
Kafshët shtëpiake
Nuk mund të kontrollojmë dot veten. Në momentin që ulemi në shezllong, mendja na shkon tek bukuroshi/rja që kemi braktisur në shtëpi. Na merr malli për fytyrën e adhurueshme dhe mezi presim të shohim reagimin kur të shkojmë në shtëpi.
Familja
Nëse po pushon me miqtë, tërë kohës mendjen e ke tek familja. Asgjë nuk e mposht familjen dhe momentin kur mezi pret të hedhësh krahët rreth tyre dhe të ndjehesh i sigurtë.
Miqtë
Të udhëtosh është mirë sepse njeh miq të rinj, por ama të vjetërit janë argjend. Vetëm shoku/shoqja e fëmijërisë mund ta kuptojë përse i hodhe sytë në atë drejtim, apo të surprizojë me ushqimin e preferuar. Ata të njohin me rrënjë e dhëmballë dhe është shumë e vështirë për t’i harruar.
Rutina e përditshme
Sigurisht që i adhurojmë pushimet, por le ta pranojmë që na merr malli për rutinën e përditshme. Të ngrihesh, të bësh të njëjtat gjëra, të marrësh brioshin tek ajo kafja përballë, të takohesh me miqtë, të pish një gotë verë tek lokali yt i preferuar. Ah! Ai momenti që nuk duhet të mendosh aspak!
Nuk ke nevojë të pyesësh për drejtime
Ah sa mirë ndihesh kur e di se ku po shkon dhe nuk ke nevojë të pyesësh 10 persona se ku ndodhet ajo rruga i që ke parë online.
Gjuha mëmë
“Donde est la… pub, please? A e di ku është apo jo?” Të mësosh gjuhë të reja është emocionuese dhe ndihesh mirë kur mëson diçka të re. Por si t’ua shpjegojmë atë kënaqësinë kur sapo zbret nga aeroporti dhe dëgjon të flitet shqip? Zemra rreh aq shpejt dhe të duket sikur ke qënë larg me vite.
Restorantet në Tiranë
Ok, mund të eksploroni sa të doni restorantet gjatë pushimeve ama nuk ka si restorantet në Tiranë, tek të cilët falemi çdo ditë të vitit. (ama personalisht preferoj të porosis online tek Snapfood dhe nuk e vras shumë mendjen)
Divani
Ah, ai momenti kur ke mbaruar punën dhe sa vjen në shtëpi hedh çantën tutje dhe shtrihesh në divan të shohësh programet tuaja të preferuar. Mezi pret të numërosh minutash të kthehesh në shtëpi dhe të relaksohesh në divan. Jo më shezllonge, peshqir, gurë dhe rërë. Divani përkthehet në rehati, perfeksion dhe qetësi shpirtërore.
Iconstyle.al
