Një vogëlushe 7-vjeçare ka realizuar dje ëndrrën e saj për të qenë pjesë e emisionit “Zonë e Lirë” në “Tv Klan”.
Dritjona Ymeraj, sipas logopedistes Gentiana Sinaj, është diagnostikuar me autizëm infantil në moshën 3 vjeçe e gjysmë dhe kjo diagnozë nuk ndryshon. Sinaj tha se Jona gjatë akteve të ndryshme të bisedave do më shumë kohë për ta marrë informacionin, ajo ka gradë minimale.
Gjatë emisionit Jona i drejtoi disa pyetje moderatorit dhe ideatorit të “Zonë e Lirë”, Arjan Çani, madje edhe e korrigjoi atë për përgjigjet e gabuara. Po ashtu 7-vjeçarja iu përgjigj pyetjeve të Çanit me shumë korrektësi. Vështirë të besosh se është autike. Ndiqeni videon për ta kuptuar!
