Për të gjithë ju që nuk ia keni idenë se çfarë janë kistet në vezore, mendojini ato si puçrra që ndodhen në sistemin riprodhues, ndonjëherë të padëmshme por ndonjëherë që dhembin si dreqi.
Zakonisht, vezoret tuaja (organe riprodhuese ku prodhohen vezët) mund të zhvillojnë kiste, shumica dërrmuese e të cilave vijnë dhe shkojnë me ciklin tuaj dhe nuk kanë nevojë për ndërhyrje.
Por ka dhe nga ato të cilat kanë nevojë për një trajtim të specializuar me kirurgji invazive gjinekologjike, në mënyrë që të mos shkaktojnë dëme të tjera.
Por si ta kuptosh që vuan nga kistet në vezore.?Ka 7 simptoma që tregojnë prezencën e kisteve dhe që mund t’i lexoni më poshtë:
1.Ke dhimbje të forta barku dhe mund të ndihen edhe kur ushtrohesh apo kur bën seks. Ato qëndrojnë aty dhe barku dhemb edhe pse cikli menstrual mund të ketë përfunduar.
2.Ndihesh super e fryrë. Ka femra që kanë përjetuar dhimbjet e kisteve të mëdha deri në 10 cm. Në këtë rast gjithçka varet nga madhësia e kistit.
3.Ndihesh e rëndë gjatë gjithë kohës. Kistet mund të shkaktojnë një ndjenjë rëndese në bark. Një kist është një masë dhe zë vend, ndaj mund të të japë një ndjenjë presioni që ndikon edhe në zakonet tuaja të të shkuarit në tualet.
4.Nuk do të bësh seks sepse ke dhimbje. E dini si është puna? Seksi nuk duhet të dhëmbë, ndaj nëse ndodh, atëherë ka një problem.
5.Të duket sikur duhet të urinosh gjatë gjithë kohës. Madje ka dhe raste kur mendon se duhet të shkosh në tualet, por thjesht nuk ndodh gjë.
6.Ke dhimbje konstante në kurriz ose në këmbë. Kjo ndodh vetëm në ato raste kur madhësia e tyre është rritur.
7.Sheh gjakderdhje edhe pasi të ka mbaruar cikli. Gratë që vuajnë nga Sindroma e Vezoreve Policistike, shpesh mund të përjetojnë gjakderdhje të parregullt, qoftë për shkak të ovulacionit të shpeshtë ose mungesës së ovulacionit.
Burimi: Womenshealthmag.com
