Është rritur me 7 numri i infeksioneve të reja me COVID-19 në Shqipëri.
Eugena Tomini nga Instituti i Shëndetit Publik bëri me dije sot se në total numri i të infektuarve ka shkuar në 789.
Nga rastet e reja, 5 janë regjistruar në Tiranë, 1 në Krujë dhe 1 në Kukës. Momentalisht 239 pacientë janë aktivë me koronavirus, ndërsa në dy spitalet Covid janë të shtruar 31 pacientë, 2 më pak se dje.
7 prej tyre ndodhen në terapi intensive nën kujdesin e mjekëve. Numri i viktimave nga koronavirusi në vendin tonë fatmirësisht mbetet 30.
Shpërndarja gjeografike e rasteve aktive, është si vijon:
Tiranë 90
Shkodër 20
Krujë 89
Fier 1
Kurbin 24
Korçë 1
Elbasan 2
Kukës 5
Lezhë 1
Lushnje 1
Mirditë 2
Berat 2
Mat 1
Situata me koronavirusin në mbarë botën:
Organizata Botërore e Shëndetit ka ritheksuar se koronavirusi besohet të jetë “natyral në origjinë”, duke iu përgjigjur një pretendimi të Presidentit amerikan Donald Trump se ai kishte prova që tregonin se virusi doli nga një institut virologjie në Ëuhan të Kinës.
Në të gjithë botën, numri i infeksioneve të konfirmuara qëndron mbi 3.34 milion, me gati 239,000 vdekje dhe afro 1.05 milionë shërime.
Numri i rasteve të konfirmuara me koronavirus në Gjermani u rrit me 945 në 161.703, treguan të shtunën të dhënat nga Instituti Robert Koch për sëmundje infektive. Numri i vdekjeve u rrit me 94 në 6.7575.
Numri i të infektuarve me COVID-19 në SHBA ka shkuar në 1,131,492, ndërsa bilanci i viktimave nga pandemia e koronavirusit është rritur në 65,776. Sa i përket numrit të rasteve, SHBA ndiqet nga Spanja me 242,988 të infektuar, Italia me 207,428 dhe Britania me 177,454.
Gjatë 24 orëve të fundit, në Spanjë janë shënuar 276 viktima, duke e çuar në 25,100 numrin total të vdekjeve. Aktualisht në vend rezultojnë 242,988 të infektuar dhe 142,450 të shëruar.
Ndërkohë, Kina nuk raporton asnjë viktimë. Komisioni Kombëtar i Shëndetit bën me dije se ka vetëm 1 rast të ri me COVID-19 në mbarë vendin. Numri i rasteve të konfirmuara në Kinë është 82,875, ai i viktimave 4,633, i të shëruarve: 77,685 dhe i rasteve aktive: 557.
Koronavirusi po shkatërron lagjet e varfëra në Brazil, ku sëmundja është më e vështirë për tu kontrolluar. Kishte 92,000 raste infeksionesh në Brazil me 6.400 vdekje të raportuara që nga e premtja.
Numri i rasteve të konfirmuara me COVID-19 ka tejkaluar shifrën 40,000 në të gjithë Afrikën, duke përfshirë rreth 1.700 vdekje dhe më shumë se 13,000 shërime. Të paktën 53 vende afrikane kanë konfirmuar infeksionet e reja të koronavirusit.
Rreth dy përqind e banorëve të Moskës – ose më shumë se 250,000 njerëz – kanë koronavirus, tha kryetari i kryeqytetit rus, duke përmendur rezultatet e testimeve.
Sergei Sobyanin shkroi në blogun e tij se Moska ka rritur ndjeshëm aftësinë e testimit gjatë javëve të fundit, duke shtuar se qyteti ka arritur të “përmbajë përhapjen e infeksionit” për shkak të zbatimit të rregullave të qëndrimit në shtëpi dhe masave të tjera.
/Iconstyle.al
