Pjesa më e madhe e femrave kanë gjetur zgjidhjen më të shkurtër duke shkuar tek estetistja për të lyer thonjtë e tyre, pa menduar për efektet negative që ka xheli apo tipsat në shëndetin e tyre. Por edhe në kushte shtëpie mund të keni thonjë të bukur dhe manikyr që zgjat për një kohë të gjatë, duke ndjekur disa këshilla.
Ja çfarë mund të bësh që manikyri në kushte shtëpie të zgjasë më shumë.
1-Apliko në thonj uthull të bardhë para bazës së manikyrit
Edhe nëse nuk i sheh me sy të lirë, yndyra e lëkurës apo bakteret e mbledhura rreth thonjve e pengojnë jetëgjatësinë e manikyrit dhe e bëjnë më të vështirë lyerjen. Vetëm një fshirje e lehtë me pambuk me uthull të bardhë para se të fillosh lyerjen me manikyr do ta pastrojë çdo papastërti dhe do t’u japë një pamje më të freskët thonjve.
2-Thonj të shkurtër do të thotë manikyr më jetëgjatë
E hidhur, por e vërtetë, nëse nivelet e ndryshme të salloneve realizojnë çdo gjë që kërkon, nëse i lyen vetë në shtëpi, këshillohet që thonjtë t’i kesh më të shkurtër, sepse kështu lyerja e tyre do të jetë më e gjatë.
3-Mos e tund shishen para se të fillosh lyerjen
Në vend të tundjes së shishes, rrotulloje rreth vetes. Duke e tundur shishen e manikyrit, krijohen më shumë bulëza duke bërë që lyerja të mos shkojë siç duhet.
4-Apliko 2-3 shtresa
Kur bëhet fjalë për shtresat e manikyrit, më pak është më shumë, 2-3 shtresa të holla bëjnë që manikyri të zgjasë më shumë. Të gjithë e dimë që është koha e konsumit, por kjo nuk vlen kur fillojnë të dalin copat pas 24 orëve.
5-Përdor furçën në mënyrën e duhur
Në të kundërt të asaj që njerëzit besojnë, nuk duhet të presësh derisa furça të mbarojë manikyrin dhe pastaj ta lyesh përsëri. Zakonisht, një lyerje vetëm për një thua.
6-Shto një lyerje më shumë në tipsa
Meqenëse tipsat janë ato që prishen të parat nga lyerja, mbi to mund të shtosh edhe një furçë më tepër në mënyrë që t’i mbrosh më shumë. Pasi të aplikosh edhe shtresën e fundit, mbi to shto edhe një perforcues transparent.
7-Çelësi është: apliko sërish
Në mënyrë që thonjtë të duken gjithmonë të freskët, duhet të shtosh edhe një shtresë më shumë pas 2-3 ditësh. Kjo mënyrë do t’i bëjë thonjtë të shkëlqejnë dhe duart më të bukura.
