Një vrasësi të njohur me pagesë iu ofruan 100,000 dollarë kanadezë ($71,400) për eliminimin e një gazetari investigativ të rrjetit ‘La Presse’ në rajonin lindor Montreal, shkruante sot rrjeti i përmendur.
I dënuari më parë për vrasje Frédérick Silva kishte pranuar për La Presse se e kishte “nxjerrë në ofertë” kontratën për këdo që mund të kryente atentatin ndaj gazetarit Daniel Renaud, kur ai vete ishte i arrestuar ndërsa gazetari mbulonte lajmet e gjyqit të tre vrasjeve në vitin 2021.
Silva u dënua në vitin 2022 dhe më pas u kthye në informator të policisë, sipas raportimeve.
Kryeministri i rajonit Quebec, François Legault dënonte komplotin duke thënë: “Nuk ka kuptim që në Quebec të vendoset një çmim për kokën e një gazetari për arsye se ai bën punën e tij, ne nuk jemi në një film”.
“Ky nuk është Kebeku që duam,” shtonte ai duke kërkuar që policia të godasë krimin e organizuar.
Për t’u kthyer në informator të zyrtarëve, Silva duhet të pranonte të gjithë krimet e tij, shkruan ‘La Presse’ duke shtuar se porosia për jetën e gazetarit të tyre u kuptua pas leximit të detajuar të rrëfimit të vrasësit në polici.
Silva pranonte se ishte kontaktuar nga dy krerë të krimit të organizuar për vrasjen e Renaud gjatë kohës së gjyqit në 2021.
“Kontrata” kishte qëndruar në fuqi për dy muaj por nuk ishte realizuar kurrë, shkruan La Presse dhe rrjedhimisht Silva anuloi porosinë, pasi “kishe probleme të tjera më të rëndësishme”, shkruan BBC.
Silva po kryen tashmë dënimin me burgim të përjetshëm.
Vetë Renaud tha se nuk kishte ditur gjë dhe se ishte i tronditur nga zbulimi.
“Unë gjithmonë tregohem i përmbajtur në punën time dhe nuk zbuloj detaje private të kriminelëve për të evituar të vë në rrezik jetën, prandaj nuk besoja se do të përfundoja si subjekt i një porosie të tillë”, tha ai.//BBC/
