Pas 30 mjekëve dhe infermierëve që u nisën drejt Italisë për të luftuar COVID-19, një grup tjetër infermierësh, prej 60 personash, është nisur drejt vendit fqinj për të kontribuar në situatën e krijuar ndaj pandemisë.
Manjola Rama, është një nga infermieret që pritet të nisë misionin në Itali rrëfen për Report tv se me vendimin e saj i ka mërzitur familjarët, veçanërisht tre fëmijët e vegjël që ka në shtëpi, por e ka parë si një mundësi shumë të mirë për të dhënë kontributin e saj në këtë betejë me të cilën po përballet e gjithë bota.
“Ne sot jemi mbledhur për një si ndihmë për shtetit italian. Jemi rreth 60 infermierë, jo të gjithë të punësuar. Unë kam qenë zëvendësuese në QSUT, deri sa të presim radhën vendosëm që të ndihmojmë Italinë. Na njoftuar dy javë më parë. E dimë që do kemi viruse dhe në do të japim maksimumin si staf që jemi, dhe besoj që do dalim faqebardhë. Unë jam nënë me tre fëmijë, janë mërzitur. Nuk kemi bërë trajnim, por unë që kam punuar, e di si është puna, trajnimi, na kanë thënë që do trajnohemi atje dhe pastaj do fillojmë punë. Janë nga gjithë Shqipëria. Ne do të shkojmë në Romë, por spitalin e vendosin ato. Mesazhi është për të gjithë që të mbajnë distancë, rregullat e higjienës dhe do të dalim faqebardhë”, tha infermierja në një intevistë.
Sipas Report tv, jo të 60 infermierët që do nisen drejt Italisë kanë qenë të punësuar aktive. Disa prej tyre, rasti konkret i Manjolës, para dy muajsh ka qenë zëvendës infermiere në QSUT. Ata priten që të trajtohen për disa ditë në Itali, ku dhe më pas do të nisin punën në spitale.
/Report tv
