Gjithnjë e më shumë po shpenzojmë një kohë të gjatë nga jeta jonë në Instagram, kështu që gjëja e vetme që mund të bëjmë në të tilla raste, është që të ndjekim njerëz, profilet e të cilëve t’ia vlejnë vërtet.
E dimë që në listën e ndjekësve tuaj ndodhet me siguri ndonjë Kardashian apo këngëtar i preferuar me miliona ndjekës, por ne kemi një tjetër qëllim sot.
Pasi u hodhëm një sy Instagrameve tona, përzgjodhëm 6 profile vajzash të reja dhe të talentuara shqiptare, që duhet t’i ndiqni me patjetër në Instagram.
Nëse keni ndopak shpirt artisti dhe vlerësoni origjinalitetin, atëherë nuk do të zhgënjeheni.
1.Sabrina Shehu (thesabb)
Nëse ju duhet një logo origjinale dhe që t’ju përfaqësojë më së miri juve apo biznesin tuaj, për këtë mendon Sabrina Shehu. E specializuar për grafikën, fotografinë dhe dizajnin, Sabrina ju vjen në ndihmë me ide fantastike të shpalosura në profilin e saj në Instagram, ku mund ta gjeni nën emrin thesabb ose thesabdesignhouse.
Kjo vajzë e talentuar që i jep jetë brand-it tuaj ka mbi 13 mijë ndjekës në Instagram dhe shumë ide për t’i ndarë me ju. Ajo krijon gjithashtu bizhuteritë më elegante dhe moderne që na kanë zënë sytë, por duhet t’i shihni personalisht që të na besoni.
2.Adela Durmishaj (adelascrafthouse)
Nëse jeni të dashuruar me artin dhe të bukurën, atëherë Adela Durmishaj do të plotësojë të gjitha pritshmëritë tuaja. E specializuar për krijimin me dorë të kukullave, çantave, suvenireve, dekoreve dhe shumë artikujve të tjerë, Adela ka profilin e dytë më interesant që mund të ndiqni në Instagram.
Mund ta gjeni me emrin e saj në rrjetin social, ose adelascrafthouse për të parë më nga afër punimet e saj të realizuara me shumë mjeshtëri.
3.Dajana Dako (sincerelyana_shop)
Për një stil unik në të veshur kemi Dajana Dakon, e cila krijon bluzat më fantastike që keni parë ndonjëherë. Ajo u njoh fillimisht si një “influencer” falë veshjeve të bukura dhe kombinimeve fantastike që realizonte. Më pas, falë artit të qëndisjes, Dajana krijon sot dhuratat më të bukura për ju dhe miqtë tuaj.
Mjafton të keni një ide dhe ajo do ta realizojë në veshjen tuaj, e cila do të bëhet e preferuara. Për të interesuarit, Dajanën e gjeni në Instagram me emrin sincerelyana_shop.
4.Kristi Janku (kikiliciouss)
Për adhuruesit e ushqimit të mirë dhe jetës së shëndetshme, Kristi Janku sjell faqen më interesante që keni parë ndonjëherë dhe që mund ta gjeni në Instagram me emrin (kikiliciouss). Kristi është designer në profesion dhe kjo e ka ndihmuar që t’i bëjë recetat të shijshme edhe në sy.
Do të mësoni recetat më të shijshme që keni provuar ndonjëherë dhe do të na falënderoni më vonë, pasi t’i keni shijuar.
5.Antonela (antonelacekixhi)
Ishte viti 2012 kur Antonela Cekixhi nisi rrugëtimin e saj në muzikë përmes “X Factor”. Por edhe pse është shkëputur nga skena, Antonela Cekixhi ka zgjedhur të tregojë pasionin për muzikën përmes videove të shpërndara në Instagram. Çdo këngë e famshme që keni dëgjuar, do ta gjeni cover, të kënduar live nga Antonela në profilin e saj.
Zëri i saj madje u përzgjodh mes 2000 të tjerëve nga një prej këngëtarëve latinë më të njohur në botë. Maluma përzgjodhi cover-in e Antonela Cekixhit për ta publikuar në profilin e tij në Instagram, dhe më pas suksesi i saj sa vjen edhe rritet.
6.Anisa Hoxha (bluerenee_handmade)
Kemi menduar edhe për ju që vlerësoni origjinalitetin dhe aksesorët e veçantë. Anisa Hoxha sjell ofron punimet më interesante me dorë të aksesorëve që do ta bëjnë verën tuaj edhe më të larmishme. Kapelet, çantat, kurorat, shamitë dhe aksesorë të tjerë të punuar me dorë janë specialiteti i Anisës, të cilën e gjeni në Instagram me emrin bluerenee_handmade.
Burimi: Iconstyle.al
Për t’u njohur të parët me lajmet më të fundit nga showbiz-i, moda, bukuria, aktualiteti etj., shkarkoni falas aplikacionin e iconstyle.al
iOS: (Kliko Këtu)
Android: (Kliko Këtu)
