Ka shkuar në 48 numri i të infektuarve mëngjesin e sotëm në qytetin e Shkodrës.
ABC News njofton se mbrëmjen e djeshme janë marrë 26 analiza të personave të dyshuar, të cilat janë dërguar për ekzaminim në Tiranë.
Prej tyre janë konfirmuar pozitiv me COVID-19, 6 persona, 2 familjarët e 80-vjeçares që ka humbur jetën 2 ditë më parë, infermieri i cili i shërbente prej muajsh asaj, 1 anëtar i familjes nga Dobraçi, dhe 2 anëtarë të familjes nga Kirasi.
Kjo e çon numrin e të infektuarve në qarkun Shkodër në 48.
Në Shqipëri janë regjistruar gjithësej 361 të infektuar. Në Spitalin e Infektivit janë duke marrë mjekim 64 persona, 5 prej të cilëve ndodhen në terapi intensive dhe një në intubim. Ndërkohë, lajmi i mirë është se 104 persona janë shëruar duke ia dalë të mposhtin virusin.
/abcneës.al
