Ok, ke unazën, fustanin e dasmës, por a je ti dhe partneri yt gati për jetën që ju pret pas ditës së dasmës. Sipas revistës “Brides”, çdo çift përpara se t’i drejtohet altarit duhet të bisedojë gjërë e gjatë sesi e mendojnë jetën pas martesës. Ndaj ju rendisim gjashtë pyetjet që duhen diskutuar me medoemos!
Do të kemi fëmijë?
Duket sikur është mëse e qartë se nëse martohesh, rradhën e kanë fëmijët. Por do të surprizoheni me faktin se shumë të rinj e të reja zgjedhin të mos bëhen prindër. Ndaj sqarojini mirë, që pas martesës nisin diskutimet.
Si do t’i menaxhojmë paratë?
Menjëherë pas martesë, një ndër temat kryesore që do të diskutohet janë financat, nëse do të jetë një llogari e përbashkët për të dy; nëse njëri nga ju humbet punën, sa mbështetëse do të jesh; do të merrni kredi për shtëpinë.
Do të punoni të dy?
Në muajt e parë të historisë së dashurisë, të dy partnerët janë në punë, por kur bëheni me fëmijë, njëri prej jush duhet të heqë dorë nga puna. Në rastet më të zakonshme janë gratë, ato që tërhiqen nga karriera për familjen, por duhet ta diskutoni edhe me partnerin, ndoshta edhe ai ka dëshirë të qëndrojë në shtëpi.
Ku do të jetojmë?
Nëse jeni një çift që nuk e ka provuar bashkëjetesën më parë, atëhere kjo duhet të jetë një ndër temat kryesore për të cilën do të flisni gjërë e gjatë. Na besoni, pakënaqësitë lindin kaq kollaj. Si fillim, sqaro nëse do të jetosh në të njëjtën shtëpi me vjehrrën apo do jetosh në parajsën tënde. Si dhe nëse do të zgjidhni kryeqytetin apo zonat përreth.
Çfarë do të thotë martesa për ty?
Në fakt kjo është pyetja kryesore. Të kalosh jetën me personin e zemrës është një bekim më vete, por duhet të sqaroni mirë se çfarë do të thotë për secilin prej jush ky rrugëtim emocionues për të pasur një jetë të gjatë dhe të lumtur.
