Nëse jeni zgjuar keq këtë mëngjes, apo në hijet e errëta poshtë syve iu janë krijuar me kalimin e kohës, atëherë nuk keni pse të ngjani si të lodhur gjithë kohës. Ja disa këshilla si të përdorni makijazhin e duhur për t’i zhdukur.
Harrojini kremrat e trashë
Për të fshehur rrethet e syve të errëta keni nevojë për kremra të buta korrektuese. Më të mirat janë ato që vijnë me një furçë ose në një kuti. Korrektorët që kapen me shkop janë shumë të trashë për këtë zonë delikate dhe mund të theksojnë edhe më shumë këtë pjesë problematike.
Zgjidhni ngjyrën e duhur
Korrigjuesi shumë i lehtë mund të theksoj më shumë rrathët e errët të syve, prandaj përqendrohuni në ngjyrat që janë të ngjashme me tonin e lëkurës tuaj. Rrathët e syve janë ngjyrë hiri apo rozë e çelët kështu që neutralizoni me hijezues ngjyrë të verdhë apo bezhë.
Merrni një laps të butë ngjyrë bezhë apo të bardhë
Pak laps të bardhë apo bezhë brenda kapakut të poshtëm të syrit do të ndihmojnë që fytyra të duket më e freskët.
Hija e bardhë kundër bazës së hundës
Në qepallën e sipërme të syrit, në rrënjën e hundës gjithmonë vendosni pak hijezim të bardhë. Ky truk vizualisht do t’i bëjë sytë tuaj të duken më të mëdhenj, por edhe të tërheqin vëmendjen nga rrathët e errët të syve.
Mos përdorni furçë
Furça për korrektor është një gjë shumë e mirë për të fshehur defektet në fytyrë, por shumë “make-up artist” thonë se mjeti më i mirë për rrathët e errët të syve është dora. Korrektorin vendoseni nën-rrathët e syve dhe përhapeni me dorën tuaj, kurse furçën përdoreni për të mbuluar defektet e tjera të fytyrës.
Përdorni buzëkuq të kuq
Buzëkuqi nuk përdoret më vetëm për buzët. Ngjyra e kuqe e buzëkuqit mund të neutralizojë ngjyrën e errët poshtë syve, duke aplikuar sipër buzëkuqit make-up-in.
