Çdo dermatologë do të thotë që nuk është asnjëherë vonë të nisësh kujdesin për lëkurën tënde. Por përgjithësisht parandalimi është gjithnjë më efektiv sesa rregullimi. Kështu që para se të mbushni të 40-tat (por edhe ju që jeni në këtë fazë të jetës), duhet të dini që këto janë zakonet që duhet të përvetësoni sipas dermatologes Loretta Ciraldo.
Ja 6 gjërat që duhet të bëni para se të hyni në dekadën e katërt të jetës:
1.Përdorni një serum me vitaminë C
Dermatologët bien dakord që vitamina C është një nga përbërësit më të rëndësishëm, që duhet të përdoret në të 20-tat dhe 30-tat, pasi ndihmon në parandalimin e njollave të errëta dhe rrit kolagjenin.
2.Përdorni skrab dy ose tre herë në javë
Ndihmon në heqjen e lëkurës së vdekur dhe që të ruani një shkëlqim të fytyrës.
3.Mos harroni kurrë të vendosni kremin kundër diellit
Ky produkt duhet të jetë kryesori në rutinën tuaj të kujdesit të lëkurës, për të shmangur rrudhat dhe njollat e errëta të lëkurës.
4.Merrni një krem hidratues zbutës
Dermatologët rekomandojnë që të zgjidhni kremra me përbërës, që hidratojnë sa më shumë lëkurën, si “sodium hyaluronate”. Ky përbërës është një derivat i acidit hialuronik, që është i domosdoshëm për të pasur një lëkurë sa më rinore.
5.Bëni kontrolle të lëkurës nga koka te këmbët
Jo vetëm që duhet të kujdeseni për shkëlqimin e lëkurës, por edhe për shëndetin e saj. Duhet të siguroheni që lëkura juaj është e mbrojtur në mënyrën e duhur.
6.Kujdesuni për lëkurën nga mëngjesi në darkë
Pavarësisht se çfarë produktesh zgjidhni, më e rëndësishmja është që ta lani fytyrën para se të flini.
Burimi: Byrdie
