Motra e Amber Heard, Whitney Henriquez, ka reaguar për herë të parë ndaj gjyqit të shpifjes me Johnny Depp dhe vendimit të jurisë kundër aktores së “Aquaman”.
View this post on Instagram
Në një postim të gjatë në Instagram, Whitney i dha sërish mbështetjen e saj Amber Heard, duke i thënë asaj “Unë ende qëndroj me ty, motër.”
Ajo më tej tha: “Dje, sot dhe nesër do të jem gjithmonë krenare për ty që qëndrove në këmbë për veten tënde, që dëshmove si këtu në Virxhinia ashtu edhe në MB, dhe që je zëri i shumë njerëzve që nuk mund të flasin për gjërat që ndodhin pas dyerve të mbyllura.”
“Ne e dinim se kjo do të ishte një betejë e vështirë dhe se provat ishin grumbulluar kundër nesh. Por ti u ngrite dhe fole pa marrë parasysh. Jam shumë e nderuar të dëshmoj për ty dhe do ta bëja një milion herë më shumë sepse e di atë që pashë dhe sepse e vërteta është gjithmonë në anën tënde.”
“Më vjen shumë keq që nuk u reflektua në vendimin e marrë nga kjo juri, por unë kurrë nuk do të heq dorë nga ty, dhe askush që qëndron me ty. Përgjithmonë pranë teje… #istandwithamberheard,” përfundoi Whitney Henriquez.
