Ushqimi është i shoqëruar gjithmonë me kënaqësinë që të ofron, veçanërisht nëse është ai i preferuari. Në fakt ka disa prova shkencore që disa ushqime të caktuara të bëjnë më të lumtur.
Më poshtë ju tregojmë disa nga ushqimet që ngrenë humorin sipas Zoe Bingley-Pullin dhe fatmirësisht, shumë prej tyre i keni në frigoriferin tuaj.
Banane
Bananet janë të pasura me kalium, por çfarë nuk mund të mos dini është se ato gjithashtu përmbajnë një kimikat që ndihmon në rregullimin e humorit. Bananet janë gjithashtu një burim i mirë i vitaminës B, të cilën nëse e keni në organizëm me nivele të ulëta, atëherë futeni në depresion.
Avokado
Ky frut ka shumë tirozinë, një prekursor që ndihmon trupin të prodhojë dopaminë, shkaktarin e kënaqësisë. Avokadot përmbajnë edhe shumë acide folike e vitamina D, që ulin nivelin e homocisteinës te femrat shtatzënë, duke ulur rrjedhimisht edhe ankthin apo depresionin.
Çokollata
Çokollata e zezë është lidhur me uljen e hormoneve të stresit, si kortizoli, si dhe uljen e tensionit. Kjo është vërtetuar nga dy studime amerikane, që kanë treguar se 40 gramë në ditë çokollatë e zezë ul stresin si te meshkujt, ashtu edhe te femrat.
Spinaqi
Është i pasur me antioksidantë që janë thelbësorë për luftën kundër ankthit dhe stresit. Magnezi dhe zinku i tij janë shumë efikasë në luftën kundër depresionit.
Orizi
Karbohidratet janë shumë të mira për prodhimin e serotoninës, një stabilizues që lidhet me nivele të ulta depresioni.
