Ajo është një ndër ikonat e muzikës shqiptare por jo vetëm. Leonora Jakupi është cilësuar si një nga këngëtaret shqiptare më me stil që gjithmonë ka mahnitur me paraqitjen e saj të veçantë.
Me klipin e saj të fundit, “Të kam jetë”, Leonora sjell disa nga tendencat më të fundit të modës, që do t’ju bëjnë t’i doni edhe ju këtë vjeshtë.
Varësja Choker që vendoset pas qafës është një nga aksesorët më “in” të momentit. Zgjedhja e gurëve apo e materialeve që shkëlqejnë i jep ndriçim fytyrës tuaj dhe stil.
Dantellat dhe frudat
Frudat dhe dantellat janë materiali më i përdorur i stilistëve edhe për sezonin që vjen Pranverë/Verë 2017. Fustani i bardhë i Leonorës me frudat e tij duket sikur ka zbritur nga pasarelat.
Gërshetat
Dy gërshtetat e famshme të Kim Kardashian u bënë një nga tendencat më të fundit të flokëve për këtë vit. Dy gërshetat franceze që kanë marrë përmasa të jashtëzakonshme nga ylli i reality shoë-t tronditën gjithë botën e modës dhe provuan se këtë vit do të jenë modeli më IN.
Fustani i zi
Fustani i zi nuk duhet të mungojë në gardërobën e një femre. Ai të shpëton gjithmonë në raste të veçanta por i kombinuar me aksesorë në qafë, si lidhësja e Leonorës, i jep paraqitjes suaj një stil më modern.
Flokët e lagur
Në pasarela, në tapetin e kuq apo ekranin e madh, flokët e lagur janë trendi më i ri i të famshmeve. Të hedhur pas shpine, ose të pushpuritur, flokët e lagur ju tregojnë seksi dhe joshëse. Ata janë një nga tendencat më të mëdha të bukurisë për pranverën e vitit 2017 që Leonora e sjell për ju.
Burimi: Icon
