Shpesh nuk kemi bërë gjëra që cilësohen si “të ndaluara” në botën e kozmetikës, vetëm për t’iu drejtuar të bukurës. Ja cilat janë mitet që qarkullojnë për të, por duhet t’i shkelni:
1.Buzëkuqi i kuq nuk u shkon të gjithave
Ky është një mit fals. Të gjitha femrat mund të përdorin buzëkuq, mjafton të zgjidhni nuancën e duhur.
2.Vetullat duhet të jenë dy tone më të errëta sesa flokët
Ky rregull vlen vetëm për ato femra që kanë flokë në ngjyrë mjalti ose krem karameli. Femrat brune duhet të shmangin vetullat shumë të errëta pasi i bëjnë të duken më të egra në fytyrë.
3.Buzët tuaja do të duken më të plota nëse i mbikonturoni disa herë me laps buzësh
Mbikonturimi me laps buzësh i bën buzët të duken shumë artificiale. Provoni të aplikoni makijazh ose shkëlqyes buzësh në zonën që njihet si harku i Kupidit të buzës. Buzët tuaja do të duken më të plota dhe shumë sensuale.
4.Nuk keni përse t’i lani furçat e make up-it nëse i përdorni vetëm ju
Pavarësisht “pronares” të ligjshme ose jo të furçave të make up-it , ju duhet t’i lani ato. Përdorimi i gjatë në kohë dhe kontakti me lëkurën bën që të akumulojnë shumë baktere. Ju mund t’i lani me ujë dhe sapun të lëngshëm që i përshtatet pH-t të lëkurës suaj. Një mënyrë shumë ekonomike është dhe larja tradicionale me ujë të vakët dhe të verdhë veze.
5.Produktete kozmetike nuk skadojnë kurrë
Kjo është mëse e gabuar. Edhe produktet kozmetike “vdesin” një ditë. Prandaj mundohuni të ripërtërini herë pas here çantën tuaj të bukurisë dhe të hidhni produktet që mbani prej kohësh.
