Shumë njerëz ëndërrojnë të blejnë një shtëpi të re, por në shumë raste nuk kanë mundësi. Nëse ndiheni sikur shtëpia juaj nuk duket luksoze dhe moderne, duhet të nisni menjëherë përmirësimet. Disa ide që mund t’i lexoni më poshtë mund të krijojnë një hapësirë që duket e re dhe e shtrenjtë.
1. Lyeni dyshemenë e vjetër
Mund ta lyeni parketin që e keni shtruar para 5 vjetësh, ose të vendosni një letër mbi të në ngjyrën që dëshironi. Mundohuni të krijoni vija apo forma drejtkëndore që janë shumë në modë dhe i japin dyshemesë suaj një paraqitje unike.
2. Lule të freskëta
Lule të freskëta janë gjëja më e mirë që mund të shtoni në një dhomë për t’i dhënë një pamje më të freskët. Ato frymëzojnë jetën dhe shtojnë një shpërthim të madh ngjyrash. Nëse doni që shtëpia juaj të duket më e shtrenjtë, buqeta e madhe me ngjyra të forta dhe të thella theksohet edhe më tej me vazon e duhur dekoruese që mund ta gjeni në dyqanin e Villeroy & Boch në Qendrën Metropol në Tiranë. Vazot e kristalta janë një opsion i mirë pasi i gjeni në madhësi dhe ngjyra të ndryshme, lehtësisht të kombinueshme me njëra-tjetrën.
3. Ndryshoni mbulesat
Jastëkët, mbulesat e tryezave janë elementët e parë që bien në sy kur hyn në një sallon, ndaj dhe janë ato që duhen zëvendësuar nëse doni që shtëpia juaj të duket ndryshe. Villeroy & Boch ju vjen në ndihmë me sende dekoruese për kuzhinën dhe tryezën e ngrënies. Një kafe në dhomën e ndenjes, në atë kolltukun e rehatshëm tuaj, servirur me tryezën e dekoruar me mbulesën Spring Time nga Sander, i jep rehati qëndrimit tuaj brenda dhe një pamje të freskët.
4. Enët e servirjes kanë shumë rëndësi
“Paske blerë një komplet të ri?” Sa mirë kur të ftuarit e vënë re ndryshimin. Kjo është një lëvizje e mirë për të ndryshuar monotoninë në shtëpinë tuaj. Dhe nëse doni të lini përshtypje te miqtë, ska shumë rëndësi, madje më shumë se ushqimi. Koleksioni i ri i servisit të pjatancave, NewWave me formën karakteristike të valëve, të lakuara ka dizajnin modern dhe është funksional e i qëndrueshëm për përdorim të përditshëm.
5. Mbuloni gjithçka me ngjyrën e floririt
Nëse doni të shtoni një magjepsje të vogël në një dhomë, por nuk doni të shpenzoni shumë para, nuk ka mjet më të madh sesa piktura në ngjyrë ari. Përpiquni të pikturoni një njësi sirtaresh, anësoret e karrigeve ose kornizën e pasqyrës. Ari është në thelb luksoz, dhe duke e shtuar nëpër shtëpi krijoni një ndjenjë luksoze.
Burimi: Iconstyle.al
