Gjatë javës së modës për koleksionet e vjeshtës 2017, u njohëm jo vetëm me dizajnet, por edhe me ngjyrat e sezonit. Por ndërsa vera na ju mbështolli me ngjyra, jemi këtu për t’ju treguar tendencat e ngjyrave të vjeshtës, të cilat duhet t’i keni në gardërobë këtë sezon.
Në krye të listës? E kuqja e gjakut dhe argjendi. Këto dy ngjyra u shfaqën në pasarelën e veshjeve të dizajnuara nga Victoria Beckham dhe Calvin Klein. Tendencat e ngjyrave, tashmë mund të vijnë edhe në aksesorëve apo veshjeve tuaja në këtë mënyrë:
E bardha
Këmishë e bardhë Wild Pony (bli këtu)
Ne e dimë që e bardha nuk del asnjëherë nga moda, por këtë sezon do ta shikoni më shumë të pranishme, sidomos në këmishat që kanë filluar të dominojnë në personazhe si Gigi Hadid dhe në shumë të tjera.
Rozë
Çantë Furla Giada (bli këtu)
Gjatë verës, ne të gjithë e vumë re tendencën e ngjyrës rozë , përfshirë edhe Kate Middleton dhe nuk do të largohet as në vjeshtë. Prisni dhe do ta shikoni rozën në veshje ose detaje.
E kuqja
Minifund i kuq “Blumarine” (bli këtu); Kuletë Furla (bli këtu); Orë Swatch (bli këtu)
Parashikimet që këpucët e kuqe do të ishin tendencë këtë vjeshtë nuk mbetën vetëm aty. E kuqja do të jetë në çdo veshje. I keni parë ikonat e preferuara të modës të dalin me të kuqe në çdo detaj? Nëse akoma nuk jeni gati për një guxim kaq të madh, nisni me një çantë apo me një palë këpucë. Pastaj nuk do të jeni në gjendje t’i rezistoni kësaj ngjyre.
Argjendi
Çantë Bowling Cavalli Class (bli këtu)
Ngjyrat metalike po rikthehen këtë vjeshtë. Modelet nëpër pasarela nga stilistë si, Brandon Maxwell, Michael Kors apo Prabal Gurung kanë veshur pantallona, fustane, pallto dhe çdo veshje tjetër që mund të ëndërroni. Ngjyrat e shkëlqimit janë tendencë dhe natyrisht, edhe për festat e fundvitit.
Neutralet
Bluzë nga Nineminutes (bli këtu); Çantë Furla (bli këtu)
Ngjyrat kamel, kaki ose bezhë. Pasarelat e mëdha të modës kanë shpërthyer edhe me veshjet neutrale, gjë që provoi se do të jenë të preferuara edhe për këtë sezon. Janë perfekte për t’u kombinuar. Nëse nuk preferoni ngjyrat e ndezura, shkoni te neutralet dhe frymëzohuni nga modelet e Phillip Lim dhe Marc Jacobs.
Burimi: Iconstyle.al
