Pasi kemi kaluar një verë të nxehtë ku veshjet me mëngë të shkurta kanë dominuar gardërobën tonë, tashmë që ka ardhur vjeshta dhe temperaturat po ulen nga dita në ditë, të gjithë e kemi të vështirë të zgjedhim se çfarë të veshim.
Kur mendojmë se temperaturat do të ulen akoma, mendja jonë shkon menjëherë tek ideja për të marrë një triko, apo xhaketë të trashë. Mirëpo e mira është që të fillojmë t’i marrim gjërat dalëngadalë, pasi moti mund të jetë i paparashikueshëm gjatë kësaj periudhe të vitit. Mëngjeset janë shpesh të ftohta, dreka është e nxehtë dhe në mbrëmje ulen sërish temperaturat.
Mirëpo për të qenë sa më “trendy” dhe sa më komodë me veten tuaj stilistët më të famshëm të modës ju sugjerojnë disa truke të vogla, apo më saktë kombinime veshjesh të cilat janë perfekte për këtë periudhë të vitit, kur askush nuk di se çfarë të veshë.
1-Një këmishë me mëngë të gjata poshtë një fustani të gjerë
2-Vishni ngjyra të ndritshme në nuanca pastel, por të ndryshme nga njëra-tjetra
3-Gjeni mënyra të reja për të stiluar një xhaketë klasike
4-Rigjallëroni fustanet tuaj me një bluzë apo këmishë të freskët
5- Kur temperaturat rriten, lidheni trikon tuaj rreth gjoksit
