Pavarësisht se temperaturat janë ende të larta dhe ju po djersiteni, nuk janë të largëta ditët me shi dhe të freskëta. Ndaj kjo nënkupton një gjë: një gardërobë të re emocionuese.
Dhe të gjitha kemi një pyetje: Për cilat trende duhet të nisemi të përgatitemi që t’i kem në gardërobë tani?
Kush më mirë sesa një blogere mode në Shqipëri mund të na tregojë se, cilat janë gjërat për të cilat duhet të investojë çdo femër këtë sezon.
Në rubrikën e kësaj jave do të sjellim këshillat e Odeta Banushajt (Odetchie), e cila tregoi për ne 3 veshjet/aksesorët e saj të preferuar për stinën e vjeshtës, që do t’i shohim në dollapin e saj.
1.Çizmet e bardha
Ky sezon i kushtohet i gjithi çizmeve dhe një stili në veçanti: atyre ngjyrë të bardhë. Mund të zgjidhni mes gjatësive të ndryshme, atyre me takë apo të sheshta, rëndësi ka që të keni një palë të tilla.
Çizmet e bardha janë për çdo rast dhe kombinohen me çdo stil v
eshjeje, nga përditshmëria te daljet në darkë, me fund ose me pantallona.
2.Çantat me pelush
Palltot me pelush nuk janë e vetmja veshje e rëndësishme që ju duhet këtë sezon.
Çantat me pelush janë një aksesor i rëndësishëm, pavarësisht se zgjidhni ato të mbuluara komplet me qime apo me detajet e pelushit në pjesë të caktuara.
Këto çanta ndryshojnë tërësisht pamjen tuaj dhe ju tregojnë me shumë stil, pavarësisht se jeni veshur “casual”.
3.Veshjet me vata si të viteve ‘80
Moda ka treguar se vazhdon romancën për të rikthyer trendet e viteve ’80.
Veshjet me vata të mëdha janë një prej tyre dhe Odeta i zgjedh sepse, jo vetëm që krijojnë një efekt të bukur të siluetës, por edhe japin idenë e një femre me pushtet.
Nëse zgjidhni një bluzë të tillë ta kombinoni me një fund ose pantallona, atëherë mundohuni të gjeni diçka të ngushtë pas trupit, për të balancuar gjerësinë te shpatullat. Edhe për fustanet kërkoni diçka që i vjen përshtat siluetës suaj.
