Me shumëllojshmërinë e makijazheve nuk kemi aspak pse të shqetësohemi për formën e fytyrës sonë. Pasi make-up-i i duhur ju ndihmon të nxirrni në pah tiparet e bukura dhe të mbuloni detajet që nuk ju pëlqejnë.
Këtu do të zbuloni 5 mënyra për ta bërë fytyrën tuaj të duket më e hollë dhe më tërheqëse:
1.Mbajini vetullat tuaja të pahequra
Një vetull e mbushur i mundëson fytyrës tuaj një “look” tjetër… Sa më e mbushur vetulla, aq më e hollë duket fytyra juaj pasi do të zvogëlohen “hapësirat boshe” në të. Por, një gjë që duhet pasur gjithmonë parasysh është kujdesi që duhet të tregoni kur i mbushni ato në mënyrë artificiale, sa më natyrale të jetë vetulla, aq më bukur duket portreti!
2.Mbajini flokët gjithmonë lëshuar
Flokët e drejtë e të lëshuar që shoqërojnë fytyrën tuaj, ju bëjnë të dukeni më bukur dhe më elegante sepse ato “fshehin” bukur një pjesë të mirë të nofullave apo faqeve tuaja.
3.Përdorni makeup-in “cat- eye”
Duke nxjerrë në pah skajet e jashtme të syve tuaja me një vijëzim peneli shoqëruar me një hije “smokey”, pjesa e poshtme e fytyrës tuaj do të duket më e ngushtë, kështu shprehet makeup artisti Troy Surratt. “Është si një iluzion optik sepse krijon efektin e trekëndëshit në fytyrë, sytë marrin një vëmendje të madhe duke lënë pjesën e poshtme të fytyrës disi në hije”.
4.Shmangni konturin me bronz
“Hijet e bronzit përcjellin shumë ngrohtësi”, është shprehur Surratt, kështu që duhet t’i shmangim ato dhe të pranojmë rekomandimet e tij për përdorimin e hijeve më neutrale. “Konturimi nuk duhet të duket asnjëherë si i tillë, ai duhet ti ngjajë më tepër një hijeje delikate në fytyrën tuaj”. Fillojeni makeup-in duke shtuar pudër në vendin ku fillojnë flokët, në këtë mënyrë qendra e fytyrës tuaj do të jetë më e ndriçuar. Përsa i përket mollëzave, Surratt rekomandon hijezimin nga kërcet e veshit në drejtim të buzëve.
5.Theksoni qendrën e fytyrës
Për ta bërë fytyrën tuaj të duket më e gjatë, përqendrojeni makeup-in më tepër veri-jug sesa lindje-perëndim. Ndriçoni me “highlighter” qendrën e ballit tuaj, majën e hundës dhe mjekrën, në këtë mënyrë, të gjithë do të përqendrohen në këto pika të fytyrës tuaj, duke lënë jashtë vëmendjes zonat e tjera të saj.
