Erdhi vera, bashkë me ditët e plazhit dhe veshjet e shkurtra. Një nga arsyet që e duam, por ajo që na bezdis: të depilohemi. Ndonëse ekzistojnë shumë metoda depilimi ajo me brisk është më e përdorura. Rreziku për të gabuar nuk është i vogël dhe këto janë 5 prej tyre që duhet të shmangni:
Gabimi 1: Nuk përgatisni lëkurën
Mos u depiloni asnjëherë nëse lëkura juaj nuk është e lagësht! Në të thatë depilimi jo vetëm që është i dhimbshëm por nuk është efektiv. Një ditë më parë duhet të keni bërë një skrab në mënyrë që nga lëkura të keni eliminuar çdo shtresë të vdekur qelizash.
Gabimi 2: Përdorimi i briskut të partnerit, apo përdorimi i brisqeve për meshkuj
Brisqet e meshkujve janë të projektuar ndryshe nga brisqet e femrave. Këto të fundit kanë në tehet e tyre xhel aloe vera apo vitaminë E duke qenë se lëkura e femrave është me delikate.
Brisqet e femrave duhet të jenë të paktën me 4 tehe për të ndjekur formën e trupit të një gruaje.
Gabimi 3: NUK e hidratoni lëkurën dhe nuk përdorni krem rroje apo xhel
Nëse ju nuk e hidratoni lëkurën para depilimit, e sigurtë që pasi të keni hequr qimet lëkura juaj do të jetë e irrituar me puçrra të cilat mund të infektohen.
Gabimi 4: Përdorimi i sapunit apo shampoos si xhel rroje
Mund të mendoni se sapuni apo shampoja mund ta zëvendësojnë lehtë xhelin e rrojës, por e keni gabim. Sapuni than yndyrën nga lëkura, duke e bërë më të vështirë depilimin. Lëkura kërkon të jetë krejtësisht e hidratuar në mënyrë që qimet të hiqen sa më mirë, shpejtë e pa dhimbje.
Gabimi 5: Lënia e briskut në ujë
Sigurohuni që pas përdorimit briskun ta lani, ta thani me një copë e ta vendosni në një vend të thatë.
