Vijon të rritet ndjeshëm numri i rasteve të reja me koronavirus, ndërsa sot është shënuar një tjetër viktimë nga COVID-19.
Këtë të enjte janë konfirmuar 44 raste pozitive nga 291 testime të kryera, mes të cilave 22 në Tiranë, 4 në Kamëz, 1 në Gjirokastër, 1 në Vlorë, 6 në Krujë, 4 në Shkodër, 2 në Lushnjë, 1 në Elbasan dhe 4 në Durrës.
Ministria bëri me dijë së sot ka ndërruar jetë një 59-vjeçar nga Lushnja i cili ishte shtruar prej 6 ditësh tek Infektivi. Viktima vuante nga kardiomiopatia dhe një sërë sëmundjesh të tjera kronike shoqëruese.
Gjtihashtu nga 40 persona pjesë të personelit shëndetësor të testuar, 9 kanë rezultuar pozitivë. Vijon të ketë shtrime në spitalin infektiv kryesisht nga Tirana. Aktualisht janë 52 pacientë të shtruar, ndërsa 8 prej të shtruarve janë në terapi intensive. Në vendin tonë janë aktualisht 349 persona aktivë me COVID-19, kryesisht në Tiranë, Shkodër, Krujë ku ka transmetime komunitare.
Lajmi i mirë është se në 24 orët e fundit kemi 21 të shëruar, duke e çuar numrin e të shëruarve në mbi 1000 që nga fillimi i epidemisë.
STATISTIKA
Testime totale 19562
Raste pozitive 1385
Raste të shëruara 1001
Raste Aktive 349
Humbje jete 35 (Qarku Tiranë 21, Durrës 6, Fier 4, Vlorë 1, Shkodër 2, Kukës 1)
Shpërndarja gjeografike e rasteve aktive është si vijon:
Tiranë 211
Shkodër 42
Krujë 32
Kamëz 23
Durrës 16
Mat 9
Lushnje 5
Tropojë 2
Korçë 1
Librazhd 1
Mallakastër 1
Lezhë 1
Pukë 1
Berat 1
Ura Vajgurore 1
Vlorë 1
Elbasan 1
vijon…
