Kim Kardashian është përpjekur të shpëtojë martesën e saj me Kanye West, pas krizës në marrëdhënien e tyre që nisi direkt pas fushatës së parë presidenciale të reperit në Karolinën e Jugut në fund të korrikut.
Të dy u panë duke dalë nga një avion privat bashkë me 4 fëmijët e tyre, të dielën në mëngjes, pas një udhëtimi shtatë ditor në Republikën Dominikane, ku shkuan për të shpëtuar martesën e tyre.
“Kim dhe Kanye janë marrë vesh së bashku. Të dy duken shumë më të lumtur”, tha një burim për People, pasi u kthyen në Shtetet e Bashkuara.
Mediat e huaja kanë bërë të ditur se ku ka qëndruar familja gjatë këtyre ditëve dhe pamjet na lanë pa fjalë!
Burime të afërta treguan se çifti mori me qira një rezidencë për kamping, që u kushtoi 43.000 dollarë nata, ndërsa pamjet e saj kanë bërë xhiron e rrjetit.
Bëhet e ditur se familjen e ka shoqëruar edhe motra e Kim, Kourtney Kardashian dhe djali i saj Mason.
Pas raportimeve se Kim, 39 vjeç, dhe Kanye, 43 vjeç, kanë jetuar veç e veç për një vit, tani duket se çifti po gjen rrugën e përbashkët për tu rikthyer si dikur.
