Largimi i makijazhit në mënyrën e duhur para se të flini është shumë i rëndësishëm. Në këtë mënyrë gjatë natës, lëkura juaj merr rigjenerimin që i nevojitet. Ndiqni këto këshilla për një lëkurë të butë në mëngjes:
Hapi i parë: Vazelina
Vendoseni pak vazelinë në majat e gishtërinjve tuaj dhe aplikojeni në kapakët e syve si dhe nëpër linjën e qerpikëve tuaj, gjë kjo që ju ndihmon ta zbusni rimelin, penelin dhe hijezuesin e syve.
Hapi i dytë: Hiqni grimin
Fshini me anë të një pambuku sytë tuaj, duke filluar nga skaji i brendshëm deri në skajin e jashtëm, deri në momentin kur grimi të zhduket. Si rrjedhojë, vazelina e aplikuar paraprakisht do të shpërndahet nëpër këtë pjesë të lëkurës, duke e hidratuar lëkurën tuaj përgjatë kohës kur krijon një shtresë mbrojtëse.
Hapi i tretë: Pastruesi i fytyrës (nëse keni lëkurë të yndyrshme)
Nëse keni lëkurë të yndyrshme, atëherë për pastrimin e saj duhet të përdorni acid salicilik, i cili ju ndihmon në pastrimin e thellë të poreve, si dhe në trajtimin e shenjave të tjera në lëkurë.
Hapi i katërt: Pastruesi i fytyrës (nëse keni lëkurë të thatë)
Nëse keni lëkurë normale ose më të thatë sesa lëkura normale, aplikoni një pastrues në formë kremi, para se fytyrën ta trajtoni edhe me zbutës. Shtresa e vendosur në fytyrë nuk duhet të jetë e trashë, në mënyrë që edhe poret të kenë mundësi të marrin “frymë” gjatë natës.
