Ditën e djeshme u njoftua në media, se bashkëshorti i një deputeteje socialiste, ishte njëri nga mjekët që i shërbyen 73-vjeçares të prekur nga koronavirusi, e cila u nda nga jeta dy ditë më parë në Durrës.
“Dosja.al” shkruan, se bëhet fjalë për bashkëshortin e deputetes Klodiana Spahiu, mjekun Edi Spahiu.
Por për fat të mirë analizat e saj dhe të bashkëshortit kanë rezultuar negative, duke shuar dyshimet se deputetja mund të kishte infektuar dhe anëtarë të tjerë të kabinetit.
Ministria e Shëndetësisë njoftoi ditën e sotme, se njëri nga mjekët që i ka shërbyer 73-vjeçares, rezultoi pozitiv me koronavirus.
Për momentin ai ndodhet në shtëpi i vetëkarantinuar.
Në total numri i të infektuarve në vendin tonë ka shkuar në 33, ndërsa është është shënuar edhe një viktimë, 73-vjeçarja që kishte histori të udhëtimit në Itali.
Vatra e koronavirusit është zgjeruar në Durrës, Lushnje, Rrogozhinë, Elbasan, përveç Tiranës.
Prej dy ditësh në rrugë kanë zbritur ushtria dhe policia, të cilat po mbikëqyrin zbatimin e urdhërit të qeverisë për ndalimin e qarkullimit të makinave private.
Deri më tani janë ndëshkuar mbi 500 shoferë, të cilët nuk kanë pranuar të zbatojnë urdhërin.
Sakaq, më herët janë mbyllur lokalet, shkollat, call center-at, fasoneritë dhe janë pezulluar të gjithë aktivitetet publike.
