Para se të ishte Ledri, ishte Xheraldina. Moderatorja e njohur e televizionit të Kosovës është tejet krenare që i biri u rrit për t’u bërë një prej yjeve më të suksesshëm të rapit në Shqipëri, por në ditëlindjen e 33-të të tij vendosi të heqë dorë nga patetizmat për t’i bërë të birit një nga ato urime që të bëjnë të qeshësh e të qash njëherësh.
Ajo publikoi në Instagram një foto ku Ledri është përkulur të marrë nga akullorja e saj, në një moment të zakonshëm, por shumë domethënës nënë- bir.
“Hajni i akullores. 10/07”
Siç dihet nga fansat e Ledrit, marrëdhënia e tij me mamanë është shumë e ngushtë. Madje sa herë e kanë pyetur përse nuk tenton tregun amerikan të muzikës si shumë artistë shqiptarë, Ledri është shprehur se nuk do dëshironte të shkëputej nga familja.
Ai jeton me prindërit në një shtëpi dy- katëshe në Prishtinë.
