Ndonëse Koronavirusi ka prekur shtetet fqinje, për fat të mirë në vendin tonë nuk ka asnjë rast që rezulton poztitiv.
Ministrja e Shëndetësisë, Ogerta Manastirliu ka dhënë detajet më të fundit përsa i përket situatës në Shqipëri dhe deri më tani janë testuar 31 persona, të cilët pasi kanë bërë testin kanë rezultuar negativë.
“Ajo çfarë të gjithë vendet e botës janë duke bërë është forcimi i vigjilencës. E rëndësishme sot për të thënë, se edhe qytetarët tanë janë shumë të interesuar të dinë, është se aktualisht Shqipëria nuk ka asnjë rast të konfirmuar të prekur, deri në këto moment që flasim, janë realizuar disa teste në raport me peronat që kanë shfaqur simptomat, janë 31 të testuar që kanë rezultuar negativ”, tha Manastirliu.
Më tej ajo shtoi, se janë kontrolluar mbi 1 mijë udhëtarë, ndërsa një punë e madhe po bëhet edhe për mbrojtjen e personelit.
Në deklaratën e saj, ministrja u bëri thirrje peronave që vinë nga jashtë për vetëizolim për 14 ditë, në mënyrë që virusi të mos shpërndahet.
