Një 23-vjeçar shqiptar u qëllua për vdekje me 4 plumba nga dy persona mbrëmjen e së mërkurës në Itali. Viktorian Picaku, i cili jetonte në Corato prej një kohë të gjatë, u vra në sheshin Abazzia rreth orës 21:30, kur dy burra të veshur me të zeza që udhëtonin me një motor tip “Vespa” e qëlluan për vdekje. Ai mori një plumb në kokë, dy në këmbë e një tjetër e tejshpoi në mushkëri.
Efektivët e policisë kanë nisur hetimet dhe pista e parë e dyshimit mbi motivin e vrasjes: në origjinën e ekzekutimin ekzistojnë disa arsye pasioni. Viktori i kishte dalë në mbrojtje një vajze.
Një i afërm i tij rrëfeu motivin e vrasjes të së riut shqiptar, për JOQ. Sipas këtij burimi, Viktori kishte ndërhyrë për të mbrojtur një vajzë të cilën po e rrihnin para syve të tij, disa ditë para se ta eliminonin.
Ky burim shton se i riu shqiptar ishte zënë me grushte me personat të cilët po dhunonin vajzën dhe vrasja e tij ka ardhur për motive hakmarrjeje.
“Jetoj ne Corato dhe e njoh personalisht Viktorin. Ai u vra pse kishe ndërhyrë për të mbrojtur një vajze dhe këto e kanë vrarë nga inati. Ata rahën atë vajzën dhe Viktori ndërhyu dhe u zi me grushte dhe këta nga inati e vranë. Ai ishte një djalë i thjeshtë edhe shumë i qeshur. E vranë me 4 plumba në mes të qytetit edhe fëmijët kur dëgjuan të shtënat ikën me vrap nga frika. Te sheshi ku e kanë vrarë, “Piazza Abbazia” quhet, ishe plot me njerëz, burra gra edhe fëmijë, ata e qëlluan me armë mes të njerëzve”, shkruhet në mesazh.
